Margit Papp
Margit Papp | |
Statsborgarskap | Ungarn |
Fødd | 30. april 1948 (76 år) Szamossályi |
Idrett | friidrett |
Tok del i | Sommar-OL 1980, Sommar-OL 1976, Sommar-OL 1972 |
Margit Papp (fødd 30. april 1948) er ein ungarsk tidlegare friidrettsutøvar som i 1978 vart europameister i femkamp.
Papp vart nummer 8 i femkampen ved EM i friidrett 1971, nummer 12 i EM i friidrett 1974 og nummer 8 under Sommar-OL 1976. Frå 1977 vart den avsluttande 200-meteren i femkampen erstatta med ein 800-meter. Året etter gjekk sovjetiske Nadezjda Tkatsjenko til topps i femkampen ved EM i friidrett 1978 i Praha. Ho sanka 4 744 poeng, medan Papp på andreplass enda opp med 4 655 poeng. Ettersom Tkatsjenko vart diskvalifisert for bruk av anabole steroidar, gjekk gullmedaljen til Papp. Papp deltok også i lengdehopp, utan å kvalifiser seg til finalen. Det makta ho heller ikkje under Sommar-OL 1980 i Moskva. Derimot hevda ho seg bra i femkampen, der ho enda på femteplass med sine 4 562 poeng.
Papp var ungarsk meister i femkamp i 1968, 1970, 1976-1978 og 1980, i lengdehopp 1973 og 1979 og i 100 meter hekk i 1979. Ho sette personleg rekord i lengdehopp med 6,57 meter i Budapest i 1979.
Kjelder
[endre | endre wikiteksten]- Margit PAPP | Profile | World Athletics
- Denne artikkelen bygger på «Margit Papp» frå Wikipedia på tysk, den 28. august 2023.
- Einskildkvinner
- Fødde i 1948
- Europameistrar i friidrett for Ungarn
- Mangekjemparar
- Ungarske friidrettsutøvarar
- Ungarske lengdehopparar
- Ungarske deltakarar under sommar-OL 1972
- Friidrettsutøvarar under sommar-OL 1972
- Ungarske deltakarar under sommar-OL 1976
- Friidrettsutøvarar under sommar-OL 1976
- Ungarske deltakarar under sommar-OL 1980
- Friidrettsutøvarar under sommar-OL 1980