Mateo Garralda
Mateo Garralda | |
Statsborgarskap | Spania |
Fødd | 1. desember 1969 (54 år) Burlada |
Idrett | handball |
Tok del i | Sommar-OL 2004, Sommar-OL 2000, Sommar-OL 1996, Sommar-OL 1992 |
Utmerkingar | Navarra sin gullmedalje for bidrag til idretten |
Mateo Jesús Garralda Larumbe (fødd 1. desember 1969) er ein spansk tidlegare handballspelar frå Burlada som i 2005 vart verdsmeister med Spania. Perioden 1993-2005 var han med på å vinne EHF-meisterligaen seks gongar og den spanske seriemeisterskapen sju gongar. Omframt VM-gullet sanka han tre EM-medaljar og to OL-bronsar med Spania sitt landslag. Garralda var høgre rykkromspelar.
Karriere
[endre | endre wikiteksten]Landslagsspel
[endre | endre wikiteksten]Garralda deltok i 233 landskampar for Spania og skåra 593 mål. I 1996 vann han ein sølvmedalje ved europameisterskapen og bronse i Sommar-OL i Atlanta i 1996. Også i 1998 tapte han og Spania EM-finalen. År 2000 tok til med siger i bronsefinalen ved europameisterskapen, åtte månader seinare sigra han også i bronsekampen under Sommar-OL i Sydney. 6. februar 2005 skåra han fire mål då Spania i tunisiske Radès slo Kroatia med 40–34 i finalen i Handball-VM.
Klubbspel
[endre | endre wikiteksten]Garralda debuterte i den spanske toppserien for Granollers. 1991/92-sesongen var han Atlético Madrid-spelar. Frå 1992 til -96 spelte han for Cantabria, der han i 1993 vann seriemeisterskapen og EHF-europaserien, 1994 seriemeisterskapen og EHF-meisterligaen, 1995 EHF-cupvinnarcupen og 1996 meisterligaen. Deretter gjorde han teneste i FC Barcelona. Med det katalanske mannskapet sigra han åra 1997 og 1998 i såvel den nasjonale seriemeisterskapen og cupmeisterskapen, samt i meisterligaen. Også i 1999 triumferte Barcelona i den spanske seriemeisterskapen og i den europeiske meisterligaen. Etter usemje med trenaren flytta Garralda i 1999 over til Portland San Antonio. Her vann EHF-cupvinnarcupen i 2000, den spanske cupen og EHF-meisterligaen i 2001, og den nasjonale serien i 2002 og 2005. 2006-08 var han å sjå Ademar León-drakt. Deretter flytta han til danske Kolding IF, eit lag som i 2009 gjekk til topps i den danske toppserien. Han slutta som aktiv i 2012, etter ein sesong hos spanske Guadalajara.
Merittar
[endre | endre wikiteksten]- VM-gull: 2005 med Spania
- EM-sølv: 1996, 1998 med Spania
- OL-bronse: 1996, 2000 med Spania
- EM-bronse: 2000 med Spania
- Vinnar av EHF-meisterligaen: 1994, 1996 for Cantabria, 1997, 1998, 1999 for Barcelona, 2001 for Portland San Antonio
- Vinnar av EHF-cupvinnarcupen: 1995 for Cantabria, 2000, 2004 for Portland San Antonio
- Vinnar av EHF-europaserien: 1993 for Cantabria
- Spansk seriemeister: 1993, 1994, 1996 for Cantabria, 1997, 1998, 1999 for Barcelona, 2002, 2005 for Portland San Antonio
- Spansk cupmeister: 1997, 1998 for Barcelona, 2001 for Portland San Antonio
- Dansk seriemeister: 2009 for Kolding IF
Kjelder
[endre | endre wikiteksten]- Denne artikkelen bygger på «Mateo Garralda» frå Wikipedia på tysk, den 28. november 2023.