Meisterligaen 2010
![](https://upload.wikimedia.org/wikipedia/commons/thumb/1/13/Bayern_Munich-Internazionale_2010-05-22.svg/220px-Bayern_Munich-Internazionale_2010-05-22.svg.png)
Meisterligaen 2010 var den 18. årgangen av den viktigaste turneringa for europeiske fotballklubbar; UEFA Champions League. Den italienske klubben FC Internazionale vann turneringa den 22. mai 2010 på Santiago Bernabeu-stadion i Madrid ved å sgire med 2-0 over tyske Bayern München. Begge måla i kampen vart sett inn av Diego Milito, det fyrste i det 35. og det andre i det 70. minutt.
74 954 tilskodarar såg finalen frå tribunane.
Finalelaga
[endre | endre wikiteksten]Inter: Júlio César, Maicon, Lúcio, Walter Samuel, Cristian Chivu, Javier Zanetti, Esteban Cambiasso, Wesley Sneijder, Samuel Eto'o, Diego Milito og Goran Pandev. Dejan Stanković tok plassen til Chivu i det 68. minutt, Sulley Muntari kom på bana då Pandev gjekk av i det 79. minutt og Marco Materazzi kom inn i sluttsekundane.
Bayern München: Jörg Butt, Philipp Lahm, Daniel Van Buyten, Martín Demichelis, Holger Badstuber, Mark van Bommel, Bastian Schweinsteiger, Arjen Robben, Thomas Müller, Hamit Altıntop og Ivica Olić. Miroslav Klose kom inn i det 63. og Mario Gómez i det 74. minutt, ut gjekk Altıntop og Olić.
Howard Webb dømde finalekampen.
Kjelder
[endre | endre wikiteksten]- Denne artikkelen bygger på «UEFA Champions League 2009/10» frå Wikipedia på tysk, den 1. juni 2016.