Mikrolitt
- Sjå og mineralet mikrolitt
![](https://upload.wikimedia.org/wikipedia/commons/thumb/b/bb/Microlith_in_hand.jpg/170px-Microlith_in_hand.jpg)
Mikrolitt (frå gresk mikro, 'liten' og lith, 'stein') er ei arkeologisk nemning for ein liten steinreiskap, som regel av flintstein. Dei blei sette inn i større reiskapar, til dømes som spyd- og pilespissar. Det er funne mikrolittar over heile verda. Dei blei laga frå slutten av eldre steinalder, var vanlege under mellomsteinalderen og blei mindre vanlege i yngre steinalder.
Mikrolittar har geometrisk utforming og er opptil 3 cm lange. Typiske mål er ei lengd på 1 cm lang breidde på 0,5 cm. Mikrolittar blei som regel danna av mikroflekkjer, små steinemne, laga med mikrostikkelteknikk.
![](https://upload.wikimedia.org/wikipedia/commons/f/fd/Microlito_Trapecio.png)
![](https://upload.wikimedia.org/wikipedia/commons/b/b9/Microlito_Tri%C3%A1ngulo.png)
Ein klassifiserer mikrolittar etter kva form dei har. Dette kan ofte tidfesta dei til særskilde periodar.
- lansettmikrolitt, rette, spisse mikrolittar
- segmentmikrolitt, mikrolittar med halvmåneform
- trekantmikrolitt
- trapesoid mikrolitt
- rektangulær mikrolitt
- rombisk mikrolitt
Mikrolittar frå Nord-Skandinavia skil seg ut ved at dei i tillegg til mikroflekkjer også kan vera danna frå avslag, materiale ein elles ville kasta. I staden for spesialisert mikrostikkelteknikk er det også ofte brukt ein meir generell slagteknikk, retusjering.
Kjelder
[endre | endre wikiteksten]- Lansettmikrolitt[daud lenkje] ved Arkeologisk studiesamling, Universitetet i Tromsø
- MIKROLITTER Arkivert 2008-05-23 ved Wayback Machine. ved SARC- Referanse samling for steinalderen, Universitetet i Oslo