Mullefamilien
| Mullefamilien | |
| |
| Systematikk | |
| Rike: | Dyr Animalia |
| Rekkje: | Ryggstrengdyr Chordata |
| Underrekkje: | Virveldyr Vertebrata |
| Klasse: | Actinopteri |
| Underklasse: | Neopterygii |
| Infraklasse: | Ekte beinfiskar Teleostei |
| Orden: | Piggfinnefiskar Perciformes |
| Familie: | Mullefamilien Mullidae Rafinesque, 1815 |
Mullefamilien er ein gruppe saltvassfisk som hovudsakleg lever på grunt vann i tropiske område. Dei har ein spoleforma kropp med sterke fargar. Fargane skiftar mellom dag og natt. På haka sit eit par lange skjeggtrådar som er utstyrte med smaksorgan. Desse brukar mullene når dei leitar etter føde på botnen. Enkelte artar kan bli opp til 60 cm lange. Ettersom dei er svært velsmakande matfisk, blir det drive fiske etter nesten alle mullearter.
I europeiske farvatn finst det to nærskylde artar. Dei har vore ettertrakta matfiskar heilt sidan romertida:
- Mulle (Mullus surmuletus) lever i Middelhavet, Svartehavet og i Atlanterhavet frå Kanariøyene og Madeira til den sørlege Nordsjøen. Om sommaren hender det at fisken blir funnen langs norskekysten frå svenskegrensa til Bergen. Om dagen er mulla raud med langsgåande gule striper og ei svart stripe frå auget til halefinnen, men om natta er fisken marmorert med raude og kvite flekkar.
- Raudmulle (Mullus barbatus) lever i Middelhavet, Svartehavet og i Atlanterhavet frå Dei britiske øyane til Senegal. Denne arten har ingen striper på finnane.
I tillegg har minst fire mullearter frå andre havområde no etablert seg i Middelhavet: Upeneus moluccensis og U. pori frå det indopasifiske området, den vestafrikanske Pseudupeneus prayensis og Parupeneus forsskali frå Raudehavet og Adenbukta.[1]
Referansar
[endre | endre wikiteksten]- ↑ M. Bariche, M. Bilecenoglu og E. Azzurro. «Confirmed presence of the Red Sea goatfish Parupeneus forsskali (Fourmanoir & Guézé, 1976) in the Mediterranean Sea». BioInvasions Records 2 (2): 173–175. ISSN 2242-1300. doi:10.3391/bir.2013.2.2.15.
- Denne artikkelen bygger på «Muller» frå Wikipedia på bokmål, den 20. august 2020.