Petter Tande
| Petter Tande | |
|
| |
| Statsborgarskap | Noreg |
| Fødd | 11. juni 1985 (39 år) Oslo |
| Idrett | kombinert |
| Tok del i | Vinter-OL 2006, Vinter-OL 2010 |
Petter Laukslett Tande (fødd 11. juni 1985 i Trondheim) er ein norsk tidlegare kombinertrennar som representerte Byåsen IL. Han var med på det norske laget som vart verdsmeistrar i lagtevlinga under VM 2005 i Oberstdorf. Både under VM 2007 i Sapporo og VM 2009 i Liberec vann han bronse i lagtevlinga. Han vart nummer to i verdscupen i kombinert i 2008-sesongen, og vann mellom desember 2005 og mars 2008 seks renn i verdscupen.
Aktiv
[endre | endre wikiteksten]Tande debuterte i verdscupen i kombinert i 2002, og fekk sin fyrste pallplass i Trondheim i desember 2003. Heilt til topps i eit verdscuprenn kom han fyrste gongen 17. desember 2005, då han i Ramsau i Austerrike vann eit renn med massestart.
Under Ski-VM i 2005 i Oberstdorf gjekk Tande fyrsteetappen i langrennet for Noreg i lagtevlinga, og saman med Håvard Klemetsen, Magnus Moan og Kristian Hammer gjekk han Noreg inntil VM-gull. I dei individuelle tevlingane vart Tande nummer sju og ni. Året etter, under vinter-OL 2006 i Torino, tapte Tande kampen om bronsemedaljen i den fyrste kombinertøvinga med 0,1 sekunds margin mot landsmannen Moan.
Saman med Klemetsen, Espen Rian og Moan fekk Tande bronsemedaljar i lagtevlinga i ski-VM 2007 i Sapporo. Tande og Moan var med då det to år seinare på ny vart bronsemedalje for Noreg i verdsmeirsterskapen i Liberec, nye på laget var Mikko Kokslien og Jan Schmid.
Frå 6. januar til 9. mars 2008 deltok Tande i fire renn i verdscupen og vann alle. Sesongen samla kom han på andreplass i verdscupen, berre slått av Ronny Ackermann frå Tyskland.
Under vinter-OL 2010 i Vancouver vart Tande beste nordmann i halvprogrammet med ein sjetteplass. Vinteren 2011 gjekk han lei og la opp som kombinertrennar før sesongen var over.
Besteplasseringar i internasjonale renn
[endre | endre wikiteksten]- 2002: Nr 29 i Trondheim - sprint
- 2003: Nr 4 i Lahti - sprint
- 2004: Nr 2 i Sapporo - sprint
- 2005: Nr 4 i Trondheim og Ruhpolding (begge sprint) og i Lahti (normal)
- 2006: Vinnar i Ramsau (massestart) og i Holmenkollen
- 2006/07: Nr 5 i Ramsau
- 2008: Vinnar i Schonach, Liberec, Lahti og Holmenkollen
- 2009: Nr 2 i Vikersund
- 2009/10: Nr 2 på Lillehammer
Medaljar og besteplasseringar i noregsmeisterskap
[endre | endre wikiteksten]- 2006: Gull på Kongsberg
- 2008: Gull i Trondheim
- 2009: Gull i fellesstart på Gjøvik
- 2010: Sølv i Stokke
Kjelder
[endre | endre wikiteksten]- Denne artikkelen bygger på «Petter Tande» frå Wikipedia på tysk, den 3. februar 2013.
- (en) Petter Tande – Profil og resultatoversikt hos FIS
- (en) Petter Tande – Profil og resultatoversikt i olympiske konkurransar på sports-reference.com.