Rave On

Rave On Singel av Buddy Holly frå albumet Buddy Holly
B-side	«Take Your Time»
Utgjeve	20. april 1958 6. juni 1958 (Storbritannia)
Innspelt	25. januar 1958, Bell Sound Studios, New York City
Sjanger	Rock and roll
Lengd	1:47
Selskap	Coral 9-61985 Coral Q 72325 (UK)
Låtskrivar(ar)	West-Tilghman-Petty
Produsent	Milton DeLugg
Buddy Holly-kronologi
«I'm Gonna Love You Too» (1957)	Rave On	«Early in the Morning» (1958)

«Rave On» er ein song skriven av Sonny West, Bill Tilghman og Norman Petty i 1958. Han vart først spelt inn av West for Atlantic Records, som gav ut sin versjon i februar 1958. Buddy Holly spelte inn songen seinare det same året, og hans versjon vart ein hit. Det er ein av dei seks innspelingane hans som gjekk inn på salslista i 1958.

Bakgrunn

Dei fleste av Holly sine innspelingar var produserte av Norman Petty, som òg var manager for Holly, og dei spelte inn musikken i studioet til Petty i Clovis i New Mexico. «Rave On» vart derimot produsert av Milton DeLugg og spelt inn i New York City. Tittelen var inspirert av Sun Records-innspelinga «Dixie Fried» av Carl Perkins frå 1956, der «rave on» vert nytta i refrenget. B-sida til Holly-singelen var «Take Your Time».

Holly si utgåve av «Rave On» er rangert på 155. plassen på lista til magasinet Rolling Stone over dei 500 beste songane gjennom tidene.

Innhald

Første utgåve

1. «Rave On»
2. «Take Your Time»

Tysk utgåve

Som Buddy Holly and the Crickets

1. «Rave On»
2. «Ready Teddy»

EP (britisk)

1. «Rave On»
2. «Take Your Time»
3. «Early in the Morning»
4. «Now We're One»

Andre versjonar

Coverversjonar av «Rave On» har blitt spelt av Bruce Springsteen and The E Street Band, Commander Cody, Status Quo, M. Ward og folkrockbandet Steeleye Span. Han vart ein hit for The Delta Cross Band i Danmark i 1980.

• Joe Meek produserte ein versjon med songaren Michael Cox, som kom ut i 1964.
• John Mellencamp spelte inn ein versjon av songen for filmen Cocktail i 1988.
• The Real Kids spelte inn ein versjon i 1977.
• Nitty Gritty Dirt Band spelte inn ein versjon i 1970 for albumet Uncle Charlie & His Dog Teddy.
• Steeleye Span spelte inn ein versjon som etterlikna Buddy Holly i 1971 på albumet Please to See the King.
• M. Ward spelte ein versjon av songen i 2009 for albumet Hold Time.
• Denny Laine, gitaristen for banda Wings og Moody Blues, spelte ein versjon av songen for hyllestalbumet hans til Holly i 1977, Holly Days, som var produsert av Paul McCartney.
• Marshall Crenshaw framførte songen på konsertar og eit konsertopptak kom ut på konsertalbumet hans Marshall Crenshaw.
• Julian Casablancas spelte inn ein versjon av songen for hyllestalbumet Rave On Buddy Holly i 2011.
• Cliff Richard spelte inn ein versjon av songen i 2013 for albumet The Fabulous Rock 'n' Roll Songbook.
• Terry Manning spelte ofte songen på konsertane sine og eit konsertopptak kom ut på ei seinare utgjeving.

Kjelder

• Denne artikkelen bygger på «Rave On» frå Wikipedia på engelsk, den 10. februar 2018.
  • Wikipedia på engelsk oppgav desse kjeldene:
• Amburn, Ellis (1996). Buddy Holly: A Biography. St. Martin's Press. ISBN 978-0-312-14557-6.
• Bustard, Anne (2005). Buddy: The Story of Buddy Holly. Simon & Schuster. ISBN 978-1-4223-9302-4.
• Dawson, Jim; Leigh, Spencer (1996). Memories of Buddy Holly. Big Nickel Publications. ISBN 978-0-936433-20-2.
• Gerron, Peggy Sue (2008). Whatever Happened to Peggy Sue? Togi Entertainment. ISBN 978-0-9800085-0-0.
• Goldrosen, John (1975). Buddy Holly: His Life and Music. Popular Press. ISBN 0-85947-018-0.
• Goldrosen, John; Beecher, John (1996). Remembering Buddy: The Definitive Biography. New York: Da Capo Press. ISBN 0-306-80715-7.
• Gribbin, John (2009). Not Fade Away: The Life and Music of Buddy Holly. London: Icon Books. ISBN 978-1-84831-034-6

156:  «Proud Mary»  Creedence Clearwater Revival

Plassering på lista til Rolling Stone frå 2010 over dei 500 beste songane gjennom tidene 155 «Rave On»  Buddy Holly

154:  «A Hard Day's Night»  The Beatles