Sayyidah Zaynab
| Sayyidah Zaynab | |||
| السيدة زينب | |||
| by | |||
 | |||
| Land |  Syria
| ||
|---|---|---|---|
| Guvernement | Rif Dimashq | ||
| Distrikt | Markaz Rif Dimashq | ||
| Nahiyah | Babbila | ||
| Koordinatar | 33°26′50″N 36°20′10″E / 33.44722°N 36.33611°E | ||
| Folketal | 136 427 (2004)[1] | ||
| Tidssone | EET (UTC+2) | ||
 Sayyidah Zaynab 33°26′50″N 36°20′10″E / 33.44722222°N 36.33611111°E | |||
  Kart som viser Sayyidah Zaynab.
| |||
Sayyidah Zaynab (arabisk السيدة زينب, tyder Frua Zaynab) ofte kalla Set Zaynab, er ein by i Syria i Rif Dimashq guvernement. Med eit folketal på 136 427 (2004), Sayyidah Zaynab er han den 10. største byen i Syria og den største forstaden kring hovudstaden Damaskus. Han ligg berre 10 km sør for den syriske hovudtaden. Administrativt ligg byen i Markaz Rif Dimashq og høyrer til Babbila nahiyah («underdistrikt»).[2] Kommunen Sayyidah Zaynab er framleis rekna som eit landleg samfunn i guvernementet Rif Dimashq.[3]
Etymologi
[endre | endre wikiteksten]Namnet på byen kjem frå heilagdomen der grava til Zaynab, dottera til ‘Alī og Fātimah og barnebarnet til Muhammed, ligg. Sjiamuslimar trur at Sayyidah Zaynab-moskéen er den autentiske gravstaden til Zaynab, medan moskéen i Kairo med same namn høyrer til Zaynab bint Yahya bint Zayd bint ‘Alī Zayn al-‘Ābidīn (t.d. oldebarnet til imamen).[4]
Religiøs tyding
[endre | endre wikiteksten]Sayyidah Zaynab er ein av dei viktigaste pilegrimsstadane innan sjiaislam. I 1980-åra, under og etter Den iransk-irakiske krigen, auka talet på vitjande kraftig og nådde ein topp i 1990-åra då Sayyidah Zaynab-moskéen stod ferdig. Den vesle byen vart omvendt til eit stort pilegrimmssenter for sjiamuslimane. I dag (fram til borgarkrigen) vitjar kring 1 million turistar byen kvart år.
I dag er det 33 offentlege skular og mange religiøse institusjonar i byen.
Nyare historie
[endre | endre wikiteksten]Den 27. september 2008 gjekk det av ei bilbombe i krysset som fører opp til moskéen, og tok livet av 17 menneske, medan 17 andre vart skadde.[5]
Den 14. juni 2012 vart byen igjen åstad for eit sjølvmordsåtak då ei bilbombe førte til at 14 menneske vart hardt skadde.[6]
Sidan midten av sommaren 2012 har byen vore under åtak frå væpna militante sunnimuslimar frå nabobyane. Mange sjiamuslimar og pro-statlege familiar vart drivne ut av heimane sine sør i Damaskus og søkte tilflukt i Sayyidah Zaynab. Bombeåtak vart meir vanleg i denne hovudsakleg sjiamuslimske byen. I januar 2013 landa ei bombe på Sayyidah Zaynab-moskéen og føte til noko skade på ein av minaretane.
Sjå òg
[endre | endre wikiteksten]Kjelder
[endre | endre wikiteksten]- Denne artikkelen bygger på «Sayyidah Zaynab» frå Wikipedia på engelsk, den 4. juli 2014.
- Wikipedia på engelsk oppgav desse kjeldene:
- ↑ Babbila nahiyah folkesetnader
- ↑ Folketeljing 2004. Syrisk statistisk sentralbyrå (CBS). Rif Dimashq guvernement. (arabisk)
- ↑ Sayyidah Zaynab: City in a village
- ↑ Syria - Sayyidah Zaynab
- ↑ «Syria condemns Damascus car bombing as «cowardly terrorist act»». Xinhua. 1. juli 2014. Henta 1. juli 2014.
- ↑ Syria Today:Suicide car bomb blast in Sayyidah Zaynab