Waikato District

Waikato District
by
Land	New Zealand
Region	Waikato
Areal	3 188,89 km²
Folketal	75 618 (6. mars 2018)
Waikato District 37.625°S 175.208°E / -37.625; 175.208
Wikimedia Commons: Waikato District

Waikato District ligg i den nordlege delen av regionen Waikato på Nordøya på New Zealand. Distriktet er administrert av Waikato District Council, med sete i Ngaruawahia.

Distriktet ligg nord og vest for byen Hamilton, og omfattar mykje av den nordlege delen av slettelandskapet Waikato Plains, og også høgdedraga Hakarimata ved kysten. I den nordlege delen av distriktet ligg sumplandskapet inntil Waikatoelva, og fleire mindre innsjøar, den største av desse er Waikaresjøen.

Utanom Ngaruawahia er dei viktigaste sentera i distriktet Huntly, Raglan og Te Kauwhata. Hovudnæringsvegane i distriktet er mjølkeproduksjon, skogbruk og kolgruvedrift. Der er eit større kolfyrt kraftverk ved Huntly. Te Kauwhata ligg i sentrum av eit større vindistrikt.

Distriktet hadde eit folketal på 43 959 ved folketeljinga i 2006. Av desse budde 6834 i Huntly, 5106 i Ngaruawahia, 2637 i Raglan og 1294 i Te Kauwhata.

Kjelder

• Denne artikkelen bygger på «Waikato District» frå Wikipedia på engelsk, den 27. januar 2009.

Bakgrunnsstoff

• Heimesida til distriktsstyret.
• Huntly Town Arkivert 2009-12-14 ved Wayback Machine.