Katar
| |||||
Volkslied: السلام الأميري As Salam al Amiri (Arabies vir: "Amiri-saluut") | |||||
![]() | |||||
Hoofstad | Doha | ||||
Grootste stad | Doha | ||||
Amptelike tale | Arabies | ||||
Regering | Unitêre parlementêre grondwetlike monargie Tamim bin Hamad Mohammed bin Abdulrahman | ||||
Onafhanklikheid • Nasionale Dag
• Verklaar • Erken • Huidige grondwet |
van die Verenigde Koninkryk 18 Desember 1878 1 September 1971 3 September 1971 9 April 2004 | ||||
Oppervlakte - Totaal - Water (%) |
11 581 km2 (158ste) 4 471 myl2 0,8 | ||||
Bevolking - 2020-skatting - 2010-sensus - Digtheid |
2 795 484[1] (139ste) 1 699 435[2] 176 / km2 (76ste) 455,8 / myl2 | ||||
BBP (KKP) - Totaal - Per capita |
2022-skatting | ||||
BBP (nominaal) - Totaal - Per capita |
2022-skatting | ||||
MOI (2021) | ![]() | ||||
Geldeenheid | Riyal (QAR )
| ||||
Tydsone - Somertyd |
AST (UTC+3) nie toegepas nie (UTC+3) | ||||
Internet-TLD | .qa, قطر. | ||||
Skakelkode | +974 |
Katar (Arabies: قطر, Qatar, [ˈqɑtˤɑr]), amptelik die Staat Katar (دولة قطر, Dawlaṫ Qaṭar), is 'n staat in die Midde-Ooste en Wes-Asië. Die land is op 'n skiereiland in die Persiese Golf, hier "Arabiese Golf" genoem, geleë. Dit lê noordoos van Saoedi-Arabië, oos van Bahrein, noordwes van die Verenigde Arabiese Emirate en suidwes van Iran. Katar beslaan 'n oppervlakte van 11 581 km² en het 'n bevolking van 2 795 484 in 2020 gehad. Die hoofstad en grootste stad is Doha. Die amptelike taal is Arabies en van die belangrikste etniese groepe sluit in Arabiere en Bedoeïene. Katar beskik oor 'n groot aantal immigrante.[5]
![](https://upload.wikimedia.org/wikipedia/commons/thumb/f/fa/Satellite_image_of_Qatar_in_January_2003.jpg/220px-Satellite_image_of_Qatar_in_January_2003.jpg)
![](https://upload.wikimedia.org/wikipedia/commons/thumb/9/95/Qatar-CIA_WFB_Map.png/220px-Qatar-CIA_WFB_Map.png)
Katar word deur die Huis van Thani regeer sedert Mohammed bin Thani in 1868 'n verdrag met die Britte onderteken het waarin sy separate status erken word. Na die Ottomaanse heerskap het Katar aan die begin van die 20ste eeu 'n Britse protektoraat geword tot sy onafhanklikheid in 1971. In 2003 is die grondwet oorweldigend in 'n referendum goedgekeur, met byna 98% ten gunste daarvan.[6][7]
Katar beskik oor die hoogste koopkragpariteit per capita en 'n hoë Menslike-ontwikkelingsindeks. Katar is 'n lidland van die Verenigde Nasies, Beweging van Onverbonde Lande, Arabiese Liga, Organisasie van Islamitiese Samewerking, OPUL en die Samewerkingsraad van die Arabiese Golflande. Katar is deur die Verenigde Nasies as 'n land met 'n baie hoë menslike-ontwikkelingsindeks geklassifiseer en word algemeen as die mees gevorderde Arabiese land volgens menslike ontwikkeling beskou. Die land se ekonomie word gesteun deur die wêreld se derde grootste aardgas en ruoliereserwes.[8]
In 2022 is in Katar FIFA se 22ste Sokker-Wêreldbekertoernooi beslis, maar die toekenning is baie omstrede. Oorspronklik is ook die FIFA Sokker-Konfederasiebeker in 2021 aan die land toegeken, maar dit is later weer deur FIFA teruggeneem. In 2019 het Katar vir die eerste keer die Asiatiese Nasiesbeker gewen.
Vanaf Katar se hoofstad Doha beeldsend die nuuskanaal Al Jazeera in die Arabiese wêreld uit. Qatar Airways is die nasionale vlagdraerlugredery met sy spilpunt op Hamad Internasionale Lughawe in Doha. Katar is sedert Junie 2017 onderhewig aan 'n diplomatiese en ekonomiese embargo deur Saoedi-Arabië, die Verenigde Arabiese Emirate, Bahrein en Egipte. Saoedi-Arabië het ook die bou van die Salwa-kanaal voorgestel, wat langs die gemeenskaplike grens sal loop en Katar as 't ware in 'n eilandstaat sal verander.
Verwysings
[wysig | wysig bron]- ↑ (en) "Population structure". Ministry of Development Planning and Statistics. 31 Januarie 2020. Geargiveer vanaf die oorspronklike op 26 Junie 2018. Besoek op 4 Februarie 2019.
- ↑ (en) "Populations". Qsa.gov.qa. Geargiveer vanaf die oorspronklike op 9 Julie 2010. Besoek op 2 Oktober 2010.
- ↑ 3,0 3,1 3,2 3,3 (en) "Qatar". Internasionale Monetêre Fonds. Oktober 2022. Besoek op 11 Maart 2023.
- ↑ (en) "Human Development Report 2021/2022" (PDF). United Nations Development Programme. 2021. Besoek op 11 Maart 2023.
- ↑ (en) "Qatar". Central Intelligence Agency. Besoek op 11 Maart 2023.
- ↑ (en) "IFES Election Guide – Elections: Qatar Referendum Apr 29 2003". www.electionguide.org. Geargiveer vanaf die oorspronklike op 13 Mei 2020. Besoek op 3 Februarie 2020.
- ↑ (en) "Qatar 2003". www.princeton.edu. Geargiveer vanaf die oorspronklike op 10 Oktober 2017. Besoek op 5 Junie 2017.
- ↑ (en) "Indices & Data | Human Development Reports". United Nations Development Programme. 14 Maart 2013. Geargiveer vanaf die oorspronklike op 11 Desember 2013. Besoek op 27 Junie 2013.
Bronne
[wysig | wysig bron]- Algemeen
- (en) "Qatar". Encyclopædia Britannica. Besoek op 11 Maart 2023.
- (en) "Qatar". Central Intelligence Agency. Besoek op 11 Maart 2023.
Eksterne skakels
[wysig | wysig bron]Wikimedia Commons het meer media in die kategorie Katar.
- (en) Toerisme-inligting oor Katar op Wikivoyage