Borron (botanica)
En botanica, un borron designa una excrescéncia apareissent sus de partidas d'uns vegetals e donant naissença a las brancas, a las fuèlhas, a las flors e als fruchs.
Tipes de borrons
Lo borron assegura la creissença e la ramificacion de las tijas.
Segon l'organ que fa nàisser, se dich de borron de fuèlhas (« borron vegetatiu » donant una tija foliada) e de flors (« borron floral » eissit de l’induccion florala del borron vegetatiu).
Se distria, segon lor posicion sus la tija, los borrons terminals situats al tèrme de la camba, los borrons axillars situats a l'aissèla de las fuèlhas, e los borrons adventius (laterals o estipulars) apareisson a l'entorn del borron principal. Pels arbres, se remaca los borrons distals (mai alunahts del tronc, fenomèn d'acrotonia) dels borrons proximals o laterals (mai pròche del borron terminal, fenomèn de basitonia subretot pels arbrilhons). Lo desvelopament d'un d'aqueles tipe de borron desvelopa una morfogenèsi particulara responsabla de la portadura caracteristica de cada planta.
Los borrons pòdon èsser escatoses (ex. : Marronièr d'Índia), o nuds (ex. : caulet de Bruxèlas).
L'espelida del borron a la prima se nomena lo « desborrament ».
Lo borron de fruch se ramifica sovent en formant d'autres borrons de fruch; caduna de sas fuèlha conten un borron que dona de fruchs cada annada; los Latins l'avián nomenat "pèrla preciosa": gemma.
Autres usatges del mot
Per analogia, lo tèrme de borron s'emplec dins los domènis seguents:
- en anatomia: los borrons gustatius o borrons del gost son d'organs receptaires del gost, de forma ovoïda o conica, enclavat dins l'epitèli de la muquosa linguala;
- en biologia: un borron es una excreissença cellulara se desvelopant sus un organisme per far nàisser un organisme semblable;
- en medecina: los borrons carnoses son de granulacions rogencas e conicas formant un coissinet de la superfícia de las plagas en via de cicatrizacion;
- metaforicament: un borron es un element concrèt o abstrach, una situacion materiala o morala daissant preveire de desvelopaments seguents que serán multiples e importants, favorables o desfavorables.
Galariá
-
Borron de Marronièr d'Índia. -
Borron de Marronièr d'Índia. -
Borron floral de perièr. -
.jpg)
.jpg)
