Abokir
Abokir
أبو قير | |
---|---|
. | |
Geografia fisica | |
Coordenadas | 31° 19′ 00″ N, 30° 04′ 00″ E |
Geografia politica | |
País | ![]() |
Governorat | Alexàndria |
Autras informacions | |
http: |
Abokir (en arabi أبو قير) es lo nom d'un vilatge de la còsta mediterranèa de l'Egipte, situat a vint e tres quilomètres al nòrd èst d'Alexàndria. Dins aqueste vilatge i a un castèl que Mehemet Ali faguèt transformar en prison d'Estat.
Son nom (de l'arabi « Abū Qīr », literalement « Paire Circ ») ven del fach qu'abriguèt las relíquias de sant Circ d'Alexàndria, mètge crestian, persecutat jos Dioclecian que s'èra servit de sa profession per far coneisser lo Crist, e cerquèt refugi près d'aquí (a Canòp), on foguèt arrestat e martirizat en 311.
Près del vilatge demoran fòrça rèstes de bastits antics, egipcians, grècs e romans. Se supausa que las roïnas situadas a unes tres quilomètres al sud èst del vilatge son aquestas de la ciutat de Canòp. Un pauc mai a l'èst, lo braç canopic del Nil (uèi assecat) desembocava dins la Mediterranèa.
Batalhas d'Abokir
La vasta baia d'Abokir (Khalīj Abū Qīr) s'espandís a l'èst fins a la boca del Nil de Rosèta. Es aquí que lo 1èr d'agost de 1798, l'Amiral Nelson, comandant la flota britanica de Méditerranèa, combatiguèt la flota francesa la batalha d'Abokir, tanben nomenada batalha del Nil. L'emportèt la Royal Navy.
-
La batalha d'Abokir vista per Thomas Whitcombe (1760-1824)
-
L'explosion de la nau de amiral francés l'Orient, pench per George Arnald (1763-1841)
Se dich tanben batalha d'Abokir l'engatjament entre l'armada expedicionària francesa, victoriosa, e los janissaris turcs que se debanèt lo 25 de julhet de 1799.
Près d'Abokir, lo 8 de març de 1801, l'armada britanica comandada per Ralph Abercromby debarquèt malgrat la resisténcia acarnida de la fòrça francesa retirada sus la plaja.