Amiga
![](https://upload.wikimedia.org/wikipedia/commons/thumb/8/80/Amiga_1000_system_with_sidecar.jpg/220px-Amiga_1000_system_with_sidecar.jpg)
L'Amiga es una familha d'ordinators personaus comercializada per Commodore International entre 1985 e 1994. Lo feble pretz de l'intrada de gamma e lei capacitats multimèdia mai avançadas que lei compatibles IBM e Macintosh d'aquela epòca l'an rendut totplen popular per leis amators de videojuecs e lei demomakers. Mai d'un detzenat d'annadas après que siegue arrestada sa produccion, demorèt una referéncia dins la scena demo, que pervenguèt a subrepassar lei demomakings PC au moment de l'Assembly 2006 amb Starstruck[1].
Au començament deis annadas 2010, la marca aparten a Amiga International, que sa politica es de licenciar l'emplec de son nom en de societats exterioras. Lo sistèma d'operacion AmigaOS es totjorn en desenvelopament e d'ordinators coma l'AmigaX1000 son produsits, emai aguesson pauc de veire amb leis Amigas classic (per aquestei versions son totjorn produsidas de cartas d'acceleracion materiala que permeton de multiplicar sei capacitats).
Modèls
[modificar | Modificar lo còdi]Nom | Annada | Forma de la bòstia | Mercat | Processor | AmigaOS | Chipset |
---|---|---|---|---|---|---|
Amiga 1000[2] | 1985 USA (Nov) 1986 Europe |
ordinator de burèu | domestic | 68000 7 MHz | 1.0 | OCS |
Amiga 500[3] | 1987 | maquina d'escriure | domestic | 68000 7 MHz | 1.3 | OCS |
Amiga 500+[3] | 1991 | maquina d'escriure | domestic | 68000 7 MHz | 2.04 | ECS |
Amiga 2000[3] | 1987 | ordinator de burèu | professionau | 68000 7 MHz | 1.3 | OCS |
Amiga 1500[4] | 1990 | ordinator de burèu | professionau | 68000 7 MHz | 1.3 et 2.04 | ECS |
Amiga 3000[3] | 1990 | ordinator de burèu | professionau | 68030 25 MHz | 2.04 ou Unix | ECS |
Amiga CDTV[5] | 1991 | set-top box | domestic | 68000 7 MHz | 1.3 | OCS |
Amiga 600[6] | 1992 | maquina d'escriure | domestic | 68000 7 MHz | 2.05 | ECS |
Amiga 1200[3] | 1992 (Dec) | maquina d'escriure | domestic | 680ec20 14 MHz | 3.0 | AGA |
Amiga 4000[3] | 1992 | ordinator de burèu | professionau | 68030 ou 68040 25 MHz | 3.0 | AGA |
Amiga CD32[7] | 1993 (Sep) | consòla de videojuecs | domestic | 680ec20 14 MHz | 3.1 | AGA |
Generalitats
[modificar | Modificar lo còdi]La familha deis ordinators Amiga èra mai que mai conoissuda per sei capacitats graficas avançadas e son arquitectura materiala particulara. L'ordinator èra bastit a l'entorn d'un processor Motorola 68000 (e seguents) qu'èra sostengut dins sa gestion deis operacions complèxas (vidèo, sons, carcul aritmetic) per de co-processors especifics a la maquina e que diferavan segond lei modèls OCS, ECS ò AGA per lei darriers Amigas comercializats.
Una maquina de creacion conoissuda per sei juecs
[modificar | Modificar lo còdi]Tre lo començament, Electronic Arts e Activision començan d'asatar sei produccions sus Amiga. Faudrà esperar l'arribada de Defender of the Crown, de Cinemaware, per veire enfin lei capacitats graficas superiora de la maquina de Commodore esplechadas. A la fin deis annadas 1980, l'Atari ST demòra la maquina privilegiada per desenvelopar lei juecs, e l'Amiga disposa generalament de conversions directas qu'utilizan pas sei capacitats mai avançadas. Faudrà esperar la publicacion de Shadow of the Beast en 1989 per l'editor britanic Psygnosis per començar de veire lo valat se cavar entre lei produccions especificament desenvelopadas per Amiga e leis autras. D'ara enlà, la maquina aculirà de mai en mai de juecs de qualitat, d'unei que vendràn d'alhors de grands classics dins lo monde dei videojuecs, coma Populous, Another World, Battle Squadron, Flashback, Dune, Zool ò Sensible Soccer.
De nombroseis societats de videojuecs comenceron per programar sus Amiga
- Team 17 e sa seria dei Worms
- Rockstar North, ancianament conoissuts coma DMA Designs et que publiquèron Lemmings et la seria de GTA
- Digital Illusion, que faguèron lo seria dei Pinballs e qu'encuei publican la seria de Battlefields
- Blizzard que publiquèt Battle Chess II, Castles ò The Lost Vikings e es ara lo publicator de World of Warcraft
- ↑ http://www.youtube.com/watch?v=eUv0jSYRBZo
- ↑ (en)http://oldcomputers.net/amiga1000.html
- ↑ 3,0 3,1 3,2 3,3 3,4 et 3,5 (en) Karl Jeacle,Amiga surfin´,1996,ISBN 9781855500075Error d'escript : lo modul « check isxn » existís pas.
- ↑ (en)http://www.amigahistory.co.uk/a1500.html
- ↑ (en) Andy Slaven, Video Game Bible, 1985-2002,Trafford Publishing - 2002,ISBN 9781553697312Error d'escript : lo modul « check isxn » existís pas.
- ↑ (en)http://www.amiga600.de/a600capab.htm
- ↑ (en)https://web.archive.org/web/20080418003756/http://amiga-hardware.com/showhardware.cgi?HARDID=32