Cònte
Un cònte (var. conte) es una istòria, sovent corta, qu’a per subjècte d'aventuras imaginari ò fantastiqui. Foàrça còntes fan partida de la literatura populara orala. Totun, existisse tanben de còntes escrichs que poàdon èstre restacats a un autor, una epòca ò un movement. En rason d'aqueli originas populari, lo cònte demòra un genre malaisat de definir e sovent considerat coma un genre segondari. En mai d'aquò, pòu èstre confondut emb de formas pròchas coma la novèla e la faula. Ensin, dins lo corrent de la sieu istòria, lo cònte a conoissut de variacions importanti e formas multipli qu’explícon sa popularitat dins la literatura anciana e actuala.