Derry

	Derry
	Doire (ga)
Geografia fisca
	54° 59′ 51″ N, 7° 19′ 12″ O
Geografia politica
País	Reialme Unit
Nacion constitutiva	Irlanda del Nòrd
Comtat	Londonderry
Districte	Conselh de districte de Derry e Strabane
Demografia
• Populacion	105 066 ab. (2008 )
Informacions complementàrias
Còdi postal	LONDONDERRY
Còdi INSEE	Vita Veritas Victoria Vida Vertat Victòria
	https://www.derrystrabane.com/

Derry o Londonderry (/ˈlʌn.dən.dɛ.ɹi/, oficialament en anglés), Doire (en irlandés) o Derrie (en scots), es la segonda ciutat d'Irlanda del Nòrd e cinquena ciutat de l'illa d'Irlanda. La vièlha vila fortificada s'espandís sus la riba oèst de la ribièra Foyle, e la ciutat actuala cobrís a l'encòp las ribas èst (waterside) e oèst (Cityside) que son religadas per dos ponts. Lo districte s'espandís dins las zonas ruralas al sud-èst de la ciutat.

La populacion de la vila sola èra de 83 652 personas en 2001. L'airal urban de Derry (qu'inclutz Culmore, New Buildings e Strathfoyle) ten una populacion de 90 736 personas.

Toponimia[modificar | Modificar lo còdi]

Lo nom oficial de la ciutat es Londonderry dempuèi una decision recenta de la nauta cort (genièr de 2007) e es aquel qu'apareis sus las mapas. Mas la vila es fòrça coneguda coma Derry, qu'es una anglicizacion de l'irlandés Doire, que significa "bòsc de garrics". Lo nom foguèt cambiat de Derry en Londonderry en 1613 pendent lo procèssus de colonizacion nomenat Plantation of Ulster . Ça que la, fòrça irlandeses, a l'ostal o a l'estrangièr, preferisson sempre d'utilizar Derry, alara lo quite nom de la ciutat es un subjècte de bregas. Derry es utilizat per los nacionalistas d'Irlanda del Nòrd; los Unionistas preferisson lo nom oficial de la ciutat, Londonderry. Dins la Republica d'Irlanda, la ciutat e lo comtat son gaireben sempre apelats Derry.