Grand
![](https://upload.wikimedia.org/wikipedia/commons/thumb/7/7d/Grand-m%C3%A8re_et_petite-fille%2C_la_puissance_d%27un_lien.jpg/170px-Grand-m%C3%A8re_et_petite-fille%2C_la_puissance_d%27un_lien.jpg)
Los grands o aujòls (gasc. tanben aujòus, ajòus), avis o rèires (lem. reir(e)s; aup. reire-grands) d'una persona designan los parents de sos parents. Per extension los aujòls o los rèires designan los davancièrs, çò es los ancestres.
Quand es una femna s'apèla la grand-maire, maire-grand, mairina (lem. grand-mair, grandamair, mairgranda, reina-grandamair, e familiarament granda, anda f.; auv. grand-maire e familiarament grand f., mameta ; prov. sénher-grand, e familiarament grand f.; gasc. mair-gran, mairana, mairbona, maircheta {Lavedan} e en Aran mair-sénher; aup. maire-grand e familiarament grand f.) o simplament e familiarament la grand/granda f.
Quand es un òme s'apèla lo grand-paire, paire-grand (lem. grand-pair, reir-grandpair; auv. grand-paire, e familiarament grand m., papa-grand, papa-vièlh, papet; prov. grand m.; aup. paire-grand; gasc. pair-gran, pairan, gran-pair, pairbon, arrèr-pair, en en Aran pair-sénher e familiarament papet, papon, pepin/pipin; aup. paire-grand, e familiarament grand m.) o simplament e familiarament lo grand, lo papet o lo papeta.
Son tanben apelats dins un lengatge familiar, pairin, pairan, papet, papeta, papon, papanon (gasc. papèra/papai/paí(r)òt/papet/papon/pepè, papin/pepin/pipin o pin o encara belet[1] (grand-paire) e mameta, mamet, mamia, mamon, mamanon, memina, menina (lem. menin, memet; gasc. mamai, memè, mameta, pina; aup. mameta, grantona) (grand-maire).
- ↑ En auvernhat designa tanben l'ancestre o lo bisaujòl, o encara es un nom afectiu balhat a un pichon.