La Rochela

La Rochela / La Rochèla
La Rochéle
La Rochelle

Las tors dau vielh-pòrt de La Rochela

Armas

Geografia fisica

Coordenadas

46° 09′ 36″ N, 1° 09′ 00″ O

Superfícia

28,43 km²

Altituds
· Maximala
· Minimala

28 m
0 m

Geografia politica

França

La Rochela (chapluec)

Canton

Chapluec de neuf cantons

Intercom
241700434

Comunautat d'aglomeracion de La Rochèla

Cònsol

Jean-François Fountaine (2020-2026)

Geografia umana

Autras informacions

cap

rochelés -esa^[1]

17000

La Rochela (fòrma lemosina) o La Rochèla (fòrma sud-occitana; La Rouchello^[2] o La Rouchelo^[3] en grafia mistralenca; en peitavin La Rochéle, en francés La Rochelle) es la prefectura dau departament de la Charanta Maritima dins la region de Novela Aquitània. Es maitot la capitala de la província istorica de l'Aunís. La Rochela es la comuna la mai poblada dau departament, davant Sentas, Ròchafòrt e Roian. Sos abitants s'apelen los rochelés e las rochelesas.

Situada au bòrd de l’ocean Atlantic, au large dau pertús d'Antioche, e protejada daus vents per la "barriera" de las islas de Re, d'Olairon e la d'Aix. La vila es un complexe portuari important dempuei lo segle XII. Ela conserva mai que mai son titre de "Pòrta oceana" per la presencia de sos tres pòrts (de pescha, de comerci e de plasencia). Ciutat milenaria, richa d'un patrimòni istoric e vilaud, La Rochela es üei venguda la pus importanta vila entre l'estuari de la Lèger e l'estuari de la Gironda. Sas activitats vilaudas son multiplas e plan diferenciadas. Son universitat e l'activitat toristica venen renforçar son dinamisme locau e fòra de las frontieras regionalas.

Geografia

La vila de La Rochela se situa dins lo nòrd-oèst dau departament de la Charanta Maritima, en region Peitau-Charantas, dins la vielha provincia de l'Aunís, dont es la capitala istorica. A un niveu pus generau, La Rochela es situada dins la partida sud-oèst de la França^{[N 1]}, au centre de la còsta atlantica dont es riverana, fasent partida dau « miegjorn atlantic »^[4].

La Rochèla es avant tot 'na comuna litòrala, situada au bòrd de l'ocèan Atlantic, e caracterisada per 'na granda diversitat de sites naturaus (costas bassas, costas sablonosas e costas a bauç, ansas litòralas, petits caps, promontòris), dont quauqu'uns an pogut estre amenagats per fixar e desvelopar las activitats umanas e economicas (tras pòrts, tres plajas).