Peis
Aparença
![](https://upload.wikimedia.org/wikipedia/commons/thumb/3/34/Lampanyctodes_hectoris_%28Hector%27s_lanternfish%29.svg/250px-Lampanyctodes_hectoris_%28Hector%27s_lanternfish%29.svg.png)
Lo peis (var. peish, peisson) es un animal vertebrat aqüatic, qu'alena pel mejan de branquias. A de nadarèlas paras (pectoralas e pelvianas) e imparas (dorsala, caudala e anala). A sovent la pèl recobèrta d'escatas.
Classificacion
[modificar | Modificar lo còdi]Fins ara, se son repertoriadas mai de 27 300 espècias de peisses, çò que ne fa lo grop de vertebrats mai important. Çaquelà, aqueste grop es pas filogeneticament omogenèu perque compòrta tres classas :
- Chondrichthyes (o Peisses cartilaginoses)
- Osteichthyes (o Peisses ossoses)
- divèrses grops de peisses sens maissa (agnats) que demest eles se pòt citar las lampresas e las mixinas. Cal notar qu'uèi las mixinas son pas pus consideradas coma de vertebrats.