Punt cardinal

En geografia, un punt cardinal (var. ponch cardinal, ponch cardinau, punt cardinau) es una de las quatre principalas direccions d'una bossòla sus un plan: nòrd, Èst, Sud e Oèst.

En Mediterranèa, las direccions son nomenadas d'un biais diferent, s'apuejant sus lo nom dels vents correspondents: Tramontana, Levant, Miegjorn e Ponent. Aquestas designacions son totjorn emplegadas dins la navegacion maritima actuala dins aquesta mar.

Ròsa dels vents

Ròsa dels vents

Los punts cardinals son presentats sus las mapas per una ròsa dels vents; lo nòrd es generalament senhalat, per exemple en alongant o en colorant la punta de la ròsa que l'indica. Gaireben totjorn, lo naut d'una mapa indica lo nòrd, lo bas lo sud, la drecha l'èst e l'esquèrra l'oèst.

Lo compés (cadastre) de Gijan de 1587 dona los ponches cardinals dau drech (nòrd), dau levant (èst), dau colgant (oèst), dau marin (miègjorn) e es estat ajostat en 1610 dau terrau (nòrd) e dau garbin (sud).

En mai dels quatre punts cardinals, es possible de dessenhar de punts intermediaris (o punts intercardinals) :

Abreviacion	Punt	Nom mediterranèu, autres noms	Azimut	Radians
N	nòrd	Tramontana Capvath, bisa, paguèra, avèrs, ubac, ensus, enaut	0°	0
NNE	nòrd-nòrd-èst	Tramontana grèga	22,5°	πぱい/8
NE	nòrd-èst	Grèc	45°	πぱい/4
ENE	èst-nòrd-èst	Levant gregau	67,5°	3πぱい/8
E	èst	Levant L(h)evant, matin, capavant, davant, solèdre	90°	πぱい/2
ESE	èst-sud-èst	Levant Eisseròc	112,5°	5πぱい/8
SE	sud-èst	Eisseròc	135°	3πぱい/4
SSE	sud-sud-èst	Miègjorn Eisseròc	157,5°	7πぱい/8
S	sud	Miègjorn Adreit, adrech, solan(a), caphaut, capsús, soliera	180°	πぱい
SSO	sud-sud-oèst	Miegjorn Labeg	202,5°	9πぱい/8
SO	sud-oèst	Labec	225°	5πぱい/4
OSO	o-st-sud-oèst	Ponent Labeg	247,5°	11πぱい/8
O	oèst	Ponent Colcant, coijant, de cers, sococ, darrèr, caparrèr	270°	3πぱい/2
ONO	oèst-nòrd-oèst	Ponent Mistrau	292,5°	13πぱい/8
NO	nòrd-oèst	Mistrau	315°	7πぱい/4
NNO	nòrd-nòrd-oèst	Tramontana Mistrau	337,5°	15πぱい/8
N	nòrd	360°	2πぱい