Sparks
.png)
Sparks (« belugas », « brispas », « arquets ») es un grop pop ròck anglofòn american fondat pels dos fraires Ron e Russell Mael a Los Angeles (Califòrnia) en 1968. Los musicians an fòrça cambiat segon las epòcas, çò que fa que Sparks al sens restrech es lo duò Ron e Russell Mael, al sens larg lo grop inclusent l'ensemble dels musicians del moment.
En Occitània, Sparks es conegut per This Town Ain't Big Enough for Both of Us en 1974, When I'm with you en 1980, e per un títol en duò ambe Rita Mitsouko en 1989, Singing in the shower.
Sparks es primièr estat a l'origina un dels grops emblematics del sosgenre dich glam ròck. En seguida, pauc abans las annadas 1980, Sparks se virèt cap a la new wave (quitament la synthpop), en particular a partir de lor collaboracion ambe Giorgio Moroder en 1979. D'aquesta passa, Sparks es citat coma una influéncia màger per de nombroses grops de la new wave coma New Order, Depeche Mode e Siouxsie and the Banshees, o un pauc mai tard per d'artistas de la scèna alternativa de las annadas 1990 coma Sonic Youth o Björk.