Usain Bolt
![](https://upload.wikimedia.org/wikipedia/commons/thumb/f/fb/Bolt_2007.2.jpg/250px-Bolt_2007.2.jpg)
Usain St.Leo Bolt (nascut a Sherwood Content, Tilawni Parish, Jamaica, lo 21 d'agost de 1986) es un atlèta jamaican especialista de l'abrivada o esprint, multicampion olimpic e deteneire de mantun recòrd del mond d'atletisme.
Lo fenomèn
[modificar | Modificar lo còdi]![](https://upload.wikimedia.org/wikipedia/commons/thumb/2/2a/Usain_Bolt_before_200_m.jpg/350px-Usain_Bolt_before_200_m.jpg)
Ja revelat tre las categorias de cabdet e junior, deten los recòrds del mond del 100 m en 9 s 58 (en tot batre lo sieu pròpi recòrd dels Jòcs Olimpics d'estiu de Pequin 2008..., en lo far progressar de 11 centens de segonda, performància inedita dins una especialitat tan corta coma lo 100 m...) e del 200 m en 19 s 19 (idem lo sieu pròpi recòrd tot parièr...), totas marcas aquelas realizadas a Berlin en agost de 2009, als XIIens Campionats del Mond d'atletisme de l'IAAF o Federacion Internacionala d'Atletisme.
Ja triple campion olimpic a Pequin en 2008 (100, 200, e 4x100), que lai batèt pel primièr còp los recòrds mondials (çai-sus mencionats), deten tanben lo del relai 4 x100 en 37 s 10 , cotria amb los sieus coequipièrs jamaicans Nesta Carter, Michael Frater e Asafa Powell (ex-deteneire aiceste del recòrd mondial del 100 m en 9 s 72...)
Èra atal, e fòrça temps aprèp, lo tresen atlèta de l'istòria dels Jòcs Olimpics d'estiu a èsser triple campion olimpic dels 100, 200 e 4x100 m, aprèp lo legendari e mitic esprintaire nòrd-american Jesse Owens als Jòcs Olimpics d'estiu de Berlin 1936 (qu'aiceste, a de mai, ajustèt lo títol de saut de long a l'espet) e lo sieu compatriòta estatsunian Carl Lewis... idem pel saut de long) als Jòcs Olimpics d'estiu de Los Angeles 1984.
Triple campion del mond tanben a Berlin, en 2009, èra ja estat doble medalhat d'argent als XIens Campionats del Mond d'atletisme d'Osaka a Japon, en 2007, sus 200 m e al relai 4x100.
En 2008, es estat designat Melhor Atlèta de l'annada per l'IAAF, guerdon partejat amb la sautaira de perga russa Yelena Isinbayeva.
Es lo primièr atlèta de tota l'Istòria de l'atletisme fins ara a èsser passat sot las 9 s 70 e 9 s 60 al 100 m.
Es escaisnomat Lightning Bolt, çò es Liuç, Beleg, per encausa de la siá velocitat de segur, mas tanben de las mimicas e del gèst que fa sempre al despart de sas corsas, lo d'un arquièr que manda la siá sageta cap al cèl.
Es rèirerepresentatiu ademai de l'atletisme caribenc, de totas las Antilhas, pesquièr excepcional d'atlètas de nivèl mondial, dins totas las especialitats de velocitat de l'atletisme (100, 200, 400 m, 100 m, 110 m baranhas & 400 m baranhas e relais) mas tot parièr dels concorses de destenda (saut de naut, saut de long, triple saut)...
Los començaments
[modificar | Modificar lo còdi]Als 15 ans, en 2002, e encara cabdet, corrissiá ja lo 100 m en 10 s 20.
Ganhèt la medalha d'aur del Campionat del Mond d'atletisme de la joventut de Kingston, cò sieu o quasi, en 2002, sul 200 m (en 20 s 61) e tornèt començar als de Sherbrooke, Quebèc, en 2004.
Lo meteis an, foguèt lo primièr atlèta junior, als Carifta Games o Jòcs Caribs, disputats a las Bermudas, a passar sot la barrièra de las 20 s sul 200 m, amb un temps de 19 s 93, qu'es encara lo recòrd del mond.
Palmarès
[modificar | Modificar lo còdi]Als Jòcs Olimpics :
- Pequin 2008:
AUR , 100 , 200 e 4x100 m
Als Campionats del Mond d'Atletisme :
- Osaka 2007:
ARGENT, 200 e 4x100 m
- Berlin 2009
AUR , 100, 200 e 4 X 100 m
- Daegu 2011
AUR , 200 e 4 X 100 m
Bibliografia
[modificar | Modificar lo còdi]Documents audiovisuals
[modificar | Modificar lo còdi]Vejatz tanben
[modificar | Modificar lo còdi]... - Atletisme
- Istòria de l'atletisme
- Jòcs Olimpics
- Istòria dels Jòcs Olimpics
- Atletisme als Jòcs Olimpics
- Pequin 2008 - Atletisme
- Campionat del Mond d'atletisme
- Campionat del Mond d'atletisme de 2007
- Campionat del Mond d'atletisme de 2009
- Campionat del Mond d'atletisme de la joventut
- Recòrds del mond d'atletisme
Ligams extèrnes
[modificar | Modificar lo còdi]Ligams videografics
[modificar | Modificar lo còdi]- sus YouTube... mai de 14 700 documents subre n' Usain Bolt en picar coma clau Usain Bolt
Nòtas & referéncias
[modificar | Modificar lo còdi]
Precedit per | Usain Bolt | Seguit per | |||
![]() |
|
Actual detentor | |||
[[Fichièr:Flag of United States.svg | Bandièra: Estats Units d'America]] Michael Johnson |
|
Actual detentor | ||
[[Fichièr:Flag of United States.svg | Bandièra: Estats Units d'America]] Tyson Gay |
|
Actual detentor | ||
![]() |
|
Actual detentor |
- Modèl infobox
- Atletisme
- Campionat del Mond d'atletisme
- Atlèta jamaican
- Correire de 100 mètres
- Correire de 200 mètres
- Relaiaire (atletisme)
- Campion olimpic jamaican
- Campion olimpic en atletisme
- Detentor d'un recòrd del mond d'atletisme
- Atlèta als Jòcs Olimpics d'estiu de 2004
- Atlèta als Jòcs Olimpics d'estiu de 2008
- Naissença en Jamaica
- Naissença en 1986