Zsolt Szabó
| Pais di nashonalidat | Reino Hulandes  |
|---|---|
| Nòmber di dilanti | Zsolt |
| Fam | Szabó |
| Fecha di nasementu | 24 novèmber 1961 |
| Okupashon | politiko |
| Funshon | miembro di Tweede Kamer, substitute member of the Parliamentary Assembly of the Council of Europe, State secretary for kingdom relations and digitization |
| Partido polítiko | Partido di Pueblo pa Liberdat i Demokrasia |
| Kandidato den elekshon | 2003 Dutch general election, 2006 Dutch general election |
| Distinshon | Knight's Crosses of the Order of Merit of the Republic of Hungary |
Ferenc Zsolt Szabó (☆ 24 di november 1961 na Amsterdam) ta un empresario y politico Hulandes. Entrante 2 di yüli 2024 e lo ocupa na nòmber di partido PVV e funcion di secretario di estado pa Relacionnan di Reino y Digitalisacion den e gabinete-Schoof. E tabata activo como politico di VVD for di 2003 te cu 2006. Te recien e tabata vicepresidente di Capgemini, un compania grandi riba tereno di IT cu tambe ta ehecuta hopi contracto (semi)publico. Su mayornan ta di descendencia Hungaro y pa e motibo aki Szabó ta posee nacionalidad Hungaro, ademas di nacionlidad Hulandes, desde nacemento.[1]
For di 3 di juni 2003 te cu 30 di november 2006 Szabó tabata miembro di Tweede Kamer. E tabata vocero di e fraccion di VVD pa cooperacion pa desaroyo, defensa y ICT.[2][3] Durante su termino como parlamentario, Szabó tabata di opinion cu Hulanda lo a experiencia den un tempo cortico e introduccion di e firma electronico y carchinan di identidad cu característicanan biometrico (imprenta di dede y iris di wowo) bou di entre otro presion di leynan internacional. Na comienso di juni 2004, el a pidi secretario di estado Medy van der Laan pa splicacion tocante e uzo di open source software (OSS) na su departamento,[4] pasobra Szabó tabata ke evita 'OSS-fetichismo' den gobierno.[5]
Despues di a retira di politica, Szabó a bay traha como consultant. El a bira presidente di e fundacion cu ta maneha e registro di Bel-me-niet y vicepresidente di ECP, e plataforma pa e sociedad di informacion.[6]
Riba peticion di Geert Wilders, lider di PVV, e lo asumi a funcion di secretario di estado pa Relacionnan di Reino y Digitalisacion[1] y como tal ta e sucesor di Alexandra van Huffelen.
Dia 20 di ougùstùs 2017, Zsolt Szabó a ser nombra como Cabayero den Orden di Republica Hungaro como reconocemento pa su contribucion activo na e exito di companianan Hungaro na Hulanda y na fortalece e imagen positivo di Hungria na Hulanda.[7]
Fuente, nota i/òf referensia
|