Helikopter

E articulo aki ta uza ortografia di Papiamento. Lo aprecia si por mantene e articulo aki na estilo di Papiamento.

Bell 206 di Departamento di Polis di Los Angeles (LAPD).

Helicopter di carga, Kaman K-MAX, di Cuerpo di Mariniers di Estadonan Uni.

Helicopter ta un avion sosteni y pusha dilanti pa un (of dos) rotor (propeller) horizontal. Esaki ta permiti e helicopter pa subi y baha verticalmente. Un helicopter tin varios bentaha; e no tin mester di un pista aterisahe manera avionnan normal, e por colga den aire, y bula di na banda y pa patras. Pues un helicopter ta un salbabida cual ta util den circumstancianan di rescate. Ademas, helicopternan tambe tin implementacionnan civil y militar.

Etimologia

'Helicopter' ta fia di Frances, Hélicoptère, pensa door di Gustave Vicomte de Ponton d’Amécourt na aña 1861. El a deriva Hélicoptère for di e forma Latin di palabranan Grego; helix/helikos (ἕλらむだιいおたξくしー/ἕλικος) = 'spiraal' y pteron (πτερόν) = 'hala'.

Historia

Alrededor di aña 400 a.C. na China muchanan tabata hunga cu fli y coy hunga di bamboo cu tabata draai; bambucopter. Muchanan tabata draai e palo central di e spirito di cabrito di bamboo meymey di nan planti man y asina e coy hunga ta tuma vuelo.

Bambucopter di plastic.

Leonardo da Vinci su diseño.

Reconstrucion di mashin di aviasion di Lomonosov.

Modelo di Launoy y Bienvenu na aña 1784.

Principionan di vuelo y e relacion entrenan.

George Cayley su 'garoshi di aire'.

Durante Renacemento, comercio entre mundo oriental y occidental tabatin influencia riba e Italiano, Leonardo da Vinci (1452–1519). Inspirando da Vinci pa diseña, entre aña 1483 pa 1846, un creacion yama Vite Aerea ('schroef di aire'; helicopter di Leonardo da Vinci).

Na 1754, e cientifico Rusiano, Mikhail Lomonosov, a diseña un modelo cu dos propeller riba e mesun as y cu un rotacion opuesto di otro. E diseño di contra rotacion aki ta prohibi e helicopter di draai rond di su mesun as. Den otro palabra, si un propeller ta draai den sentido di klok, e helicopter lo tin un tendencia natural pa kier draai rond di su mesun as den e direccion opuesto.

Launoy y Bienvenu, na aña 1784, a presenta na e Academia Frances di Ciencia un modelo simpel di un helikopter, consisti di dos propeller na cada banda di e as comun, un ariba y un abou. Ademas, e propellernan ta instala den un tal forma cu nan ta bira den e direccion contrario di otro. E modelo ta acelera (vertical) bou forsa di un boog (di bayena) bou tencion.

George Cayley (1733–1857), un pionero den aviacion, ta reconoci pa a descubri e cuater principionan di vuelo; esta lift gravedad, empuhe, y resistencia. Na aña 1843, influencia pa Leonardo da Vinci su diseño, George Cayley a bin cu e concepto di Aerial Carriage ('Garoshi di Aire'). E Garoshi di Aire ta consisti di cuater propeller den forma di paraplu. Sin embargo, sin exito, e Garoshi di Aire nunka a tuma vuelo.

Galeria

• Testvuelo di helicopter di Raúl Pateras-Pescara de Castelluccio. Na aeropuerto Issy-les-Moulineaux, Paris, 1922.
• 

Fuente, nota i/òf referensia

Mira tambe e kategoria Helicopters di Wikimedia Commons pa mas dato mediatiko tokante di e tema aki.