Melissa Gumbs
| Fecha di nasementu | 4 sèptèmber 1983  |
|---|---|
| Okupashon | politiko |
Melissa D. Gumbs (☆ 4 di sèptèmber 1983 na Sint Maarten) ta un polítiko di Sint Maarten i desde 2020 miembro di Parlamento di Sint Maarten.
Bida
[editá | editá fuente]Melissa Gumbs ta yu di Marcel Gumbs, eks-politiko i promé minister di Sint Maarten di 2014 pa 2015.[1] El a lanta na Sint Maarten i a sigui enseñansa basiko i avansá na skol St. Dominic. Fin di 2006 e ta optene un master den maneho di empresa internashonal na University of Saint Thomas, U.S. Virgin Islands.[2] Despues di muda pa Hulanda Gumbs ta traha na TMF Group komo analista di investigashon di merkado di 2010 pa 2015. Durante e periodo aki e tabata kofundadó i presidente di Unified Sint Maarten Connection (USC), un organisashon hubenil ku e ophetivo pa konekta hende di Sint Maarten residensiá na Hulanda pa medio di aktividatnan.[3] Entre 2016 i 2020, despues di regresa na su isla natal, Gumbs tabata hefe di e servisio di kliente di UTS na Sint Maarten.
Gumbs ta kofundadó di e partido pa hòben, Party for Progress (Partido pa progreso, PFP) i ta lider di partido desde su fundashon na 2019. Kabesando e lista den elekshon parlamentario di 2020 e ta optené 599 voto, ku ta representá 39,7% di e total di voto ku PFP a risibí. E ta resulta e polítiko ku a hala mas voto entre e hòbennan.[4] Desde 10 di febrüari 2020 e ta miembro di Parlamento di Sint Maarten i lider di frakshon pa PFP.
Fuente, nota i/òf referensia
|