Rhoinzawere

Basisdate
Dialekt:	Rhoifrängisch
Hääptvariant:	Pälzisch
Bunnesland:	Rhoilond-Palz
Landkrääs:	Germersche
Vabandsgmäänd:	Jogg'grim
Heche:	113 m ü. NHN
Fleche:	12,8 km²
Aiwohner:	4914
Bevelkerungsdicht:	385 Eiwohner je km²
Boschtläätzahl:	76764
Voawahl:	07272
Kfz-Kennzääche:	GER
Gmäändschlüssel:	07 3 34 024
Adress vun de Verbandsverwaltung:	Untere Buchstraße 22; 76751 Jockgrim
Websait:	www.rheinzabern.com
Ortsbürgermeisterin:	Sabrina Welker (SPD)
Laach vun de Ortsgemeinde Rhoinzawere im Landkrääs Germersche
	Kard

Rhoinzawere orra a Rhoizawere (amtlisch Rheinzabern) isch ä Ortsgmää im siedpälzer Londkrääs Germersche in de Palz (Daitschlond).

Geografie

Geografische Lage

Die Gmainde lischd zwischem Bienwald unde Rhoinaue. Rhoinzawere gheerd zu de Verbandsgmää Jockgrim, die dort ach ihrn Verwaldungssitz hot. Dursch de Ort fließt de Erlebach, der sisch in Lämersche mit dem Odderbach zum Michelsbach verainischd.

Nachbargmainde

Jockgrim isch ca. 2 km in sied-estlischer Rischdung, im Nordoschde lischd Naipotz ungfehr 3 km wait wäg. De Ort Hatzebehl lischd ca. 2 km im Siedweschde, Rilze isch ca. 5 km entfernt in nerdlischer Richtung zu erraische unn Kannel lischd ca. 6 km entfernt im Siede.

Gschichd

Gegrindet worre isch der Ort unnerm Name Tabernae rhenanae als Raschdschdädde an de reemische Fernstroß vunn Italie iwwer Basel nooch Määnz. Rhoizawere hot im Johr 2004 sai 1950-jährisches Jubiläum gfaierd unn isch die älteschde Gmainde in de Palz.

In de reemische Zait sinn hier vor allem Tonware hergschdelld worre. Tabernae rhenanae hot als bedaidendschde Tepfersiedlung des Reemerraischs nerdlisch vun de Alpe gegolde. Bsonners beriehmt isch des Terra Sigillata Gscherr, des europawait exportierd worre isch. Noch hait kammer die antike Brenneefe bsischtische. Reemische Baukeramik isch do unner annerem fiers Kastell Mogontiacum a'gferdischd worre. Interdisziplinäre Forschung hot die Lokalisierung vunn Zischle aus Rhoizawere meeschlisch gmachd, die de Zischelschtembel vunde Legio XXII Primigenia trache.

Mehr als 1000 Johr hot der Ort zum Hochschdifd Speyer gheert. Als Wohrzaische aus däre Zait gilt de Turm vunn de Pfarrkeersch Sankt Michael.

Relischione

2007 waren 64,5 Prozent vunn de Onwohner katholisch unn 17,4 Prozent evangelisch. Die annere hänn e anneri Relischion odder waren konfessionslos.^[1]

Politik

Gmäderat

Bai de Wahlen zum Gmäderat am 13. Juni 2004 hot sisch folgendes Ergebnis ergäwwe:

CDU 44,7% (-0,9) - 9 Sitze (=)
SPD 27,1% (-2,7) - 5 Sitze (-1)
FDP 15,6% (-0,0) - 3 Sitze (=)
GRÜNE 12,6% (+3,6) - 3 Sitze (+1)

Wabbe

Die Blasonierung vum Wabben lauted: In Gold ä durschbrochenes, an de owwere Schbitz mit äm Kraiz bsetztes schwarzes Draieck, durch des ä rodi Schnur in Windungen gezoche isch.

S'isch 1955 vumm Maänzer Inneminischderium genehmischd worre unn geht uff ä Gerichtssiegel ausem Johr 1755 zurick.^[2]

Partnerschafde

Mit de franzeesische Gmände Chalmoux werd ä Partnerschafd gepfleeschd.

Kultur unn Sehenswierdischkaite

Terra-Sigillata-Museum
Reemische Brenneefe in de Faustinastroß
historischer Ortskern mit stattlische Fachwerkhaiser ausem 18. Jahrhunnert

Än historischer Rundweg fiehrt zu de wichdigschde Sehenswierdischkaite.

Veraine unn Fraizaitgschdaldung

Rhoizawere pfleschd ä resches Verainsläwe fers Hobby, Schbort unn die Endschbannung:

Turnverain 1890 Rhoizawere
Pälzer Waldverain
Sportverain Olympia Rhoizawere
Wassersportclub Rhaizawere
Chorgemainschaft Rhoizawere
Schitzeverain Rhoizawere
Gentlemensclub GC
Obschd- unn Gardebauverain
Snowboard- unn Skiclub
Musikverain "Lyra" Rhoizawere
DRK Ortsverain Rhoizawere e. V.

Wirdschaft unn Infrastruktur

Wirdschaft

Des Dorf hot'n ländlische Charakter unn war e langi Zait landwirtschafdlisch geprägt. Hait stellt sisch Rhoizawere als Wohngmainde in de Nochbarschafd vunn de große Wirdschaftsräum Rhoi-Neckar unn Karlsruh dar. In de Gemarkung vunn Rhoizawere gibds ausser vunn de iwwlische Feldfricht ach Obschd, Gmies, Duwak unn waißer Sparschel. De Ort isch ach schunn als pferdefreundlichi Gmainde ausgezaichned worre. Rhoizawere verfiegt iwwer ä solidi Infrastruktur mit viele Handwerks- unn landwirtschaftlische Betriebe.

Verkehr

Aus siedlicher Richdung iwwer die A65, Ausfahrt Kannel-Midde.

Aus nerdlicher Richdung iwwer die Bundesstraße 9, Ausfahrt Naipotz.

Mit de Bahn iwwer die Bahnstrecke Schifferstadt–Wörth. Seit Dezember 2010 ist die Streck zwischen Werth unn Germersche elektrifiziert unn ans Karlsruher Stadtbahnnetz a'gschlossen. In Rhoizawere sollen außerm Bahnhof zwä waitere Haltepunkte entschdehe: am Wohngebiet "An den Tongruben" un an de Rabbegass. Es gelde die Tarife vumm Karlsruher Verkehrsverbund unn vumm Verkehrsverbund Rhein-Neckar.

Perseenlischkaite

in Rhoizawere gebore

Paul Fagius (1504–1549), Reformator unn Hebraist
Maximilian Josef Pfeiffer (1875–1926), Politiker
Anton Pfeiffer (1888–1957), Politiker unn Diplomat
Reiner Marz (* 16. August 1958), Politiker (Bündnis 90/Die Grünen)

mit Rhoizawere verbunne

Philipp Jakob Gillmann, kath. Pfarrer in Rhoizawere in napoleonischer Zait, Glaubenszeuge
Elisabeth Langgässer (1899–1950), Schriftschdellerin, hot sait 1948 in Rhoizawere geläbt
Manuel Hornig (* 18. Dezember 1982), Fußballschbieler, in Rhoizawere uffgwachse

Änzelnoochwaise

↑ KommWis, Stand: 30.11.2007
↑ Karl Heinz Debus: Das große Wappenbuch der Pfalz. Neustadt an der Weinstraße 1988, ISBN 3-9801574-2-3

Websaide

Commons: Rheinzabern – Sammlung vun Bilder, Video un Audiodataie

Wikisource: Rheinzabern in der Topographia Palatinatus Rheni (Matthäus Merian) – Qwelle un Volltegschde

Schded un Gmoinde im Londgrais Geamasche

[1] KommWis, Stand: 30.11.2007

[2] Karl Heinz Debus: Das große Wappenbuch der Pfalz. Neustadt an der Weinstraße 1988, ISBN 3-9801574-2-3

[1]

[2]