Cypripedium calceolus
 |
Vos an lenga piemontèisa |
| Për amprende a dovré 'l sistema dle parlà locaj ch'a varda sì. |
Descrission[modìfica | modifiché la sorgiss]A l'é na pianta ch'as peul pa confondse për soa fusmija motobin particolar. A l'é auta da quaranta a sinquanta cm, con feuje longhe verd smerald a lansa, da tre a sinch për gamba, con nervadura, con le fior formà da un prim gir ëd doi sépaj color brun viòla, da un gir ëd pétaj dël midem color e dal label motobin gròss e giaun. Ambient[modìfica | modifiché la sorgiss]A-j piaso ij teren calcaros e giairos, ij sotbòsch ùmid ëd latifeuje, conìfere e fò, ant j'Alp e j'Apenin setentrionaj. Fioridura[modìfica | modifiché la sorgiss]Da magg a giugn. Particolarità[modìfica | modifiché la sorgiss]A l'é mnassà përchè a l'é cujìa tròp, për la blëssa dle soe fior. Ël nòm dë st'orchidea a riva da la forma dël label ëd sota che a arcòrda na pantofla (an grech pedion e an latin calceolus). A l'é ëdcò conossùa com scarpëtta 'd Vénere. J'indian d'América a dovravo la rèis contra le maladìe nervose e ël mal ëd testa.
Arferiment bibliogràfich për chi a veul fé dj'arserche pì ancreuse[modìfica | modifiché la sorgiss]
|
