De

	Vos an lenga piemontèisa
	Për amprende a dovré 'l sistema dle parlà locaj ch'a varda sì.

Chèiche religion a diso ch'a-i n'ent dzor-natural ciamà De. D'àutre religion a diso ch'a-i é pi d'un de. N'ent dzor-natural a l'é ëdcò ciamà na divinità. Vàire religion a chërdo che un De a l'abia creà minca còsa ch'a esist. Vàire religion a chërdo che De a sia imortal, e ch'a l'abia ël podèj ëd controlé la natura. Na divinità feminin-a a l'é ciamà dea. Pa tute le religion a chërdo ant un De, për esempi ij Budista a chërdo pa ant un De.

Ël chërde ch'a-i é almanch un de a l'é ciamà teism. Le përson-e ch'a arfudo ëd chërde ch'a-i sia ëd de a son ciamà atei. J'agnòstich a penso che i podoma pa esse sigur s'a esisto ëd de. Le përson-e ch'a chërdo ant un de ma pa ant na religion a son ciamà deista.

Chèiche religion a l'han pi d'un de, e a son ciamà politeista. D'àutre religion, anté ch'a-i n'a-i é mach un, a son ciamà monoteista. Ant ël politeism la paròla "de" a l'é normalment scrivùa an litre cite. De a l'é normalment scrivù con la prima litra majùscola ant ël monoteism. Chèich politeista a deuvro la litra majùscola quand ch'a parlo ëd sò de pi amportant.