Mont Fuji
 |
Vos an lenga piemontèisa |
| Për amprende a dovré 'l sistema dle parlà locaj ch'a varda sì. |
|
Ël Mont Fuji a l'é un volcan àut 3776 méter. A l'é la sima pi àuta ëd Giapon e a l'ha na caraterìstica forma a còno. As agiss d'un seuli-volcan, formà da l'ambaronesse ëd colà ëd lava. Soa dariera erussion a armonta al 1707. An sël Fuji a-i son des soste, dont la dariera a resta an sla sima. J'escursion[modìfica | modifiché la sorgiss]Tuti j'agn, l'arnomà volcan e ij sò anviron, ëdcò lor marcà ant ël Patrimòni mondial coltural, a tiro apopré tranta milion ëd visitador. Coj ch'a rivo a la quinta sosta, a 2000 méter d'autëssa a son tre milion. Dël 1996 j'autorità a l'han pijà dij provediment për la protession dl'ambient dël mont Fuji. Dël 1998 a l'é stàita creà l'Associassion Fujisan, con ël midem but. Ël mont Fuji ant la religion e l'art[modìfica | modifiché la sorgiss]Ël Fuji a l'é na montagna venerà ant ël sintoism e ant ël bodism e a l'é 'n leu 'd pelerinage da vàire sécoj. A compariss an chèiche poesìe dl'antologìa Manyoshu (La cujìa ëd desmila feuj) componùa dël 760 da Otomo no Yakamochi. Soa forma a l'ha anspirà ij mèistr ëd le stampe tanme Hokusai, autor dle Trantesses viste dël mont Fuji, e Hiroshige, ch'a l'ha arpresentalo ant ij sò Sinquantetré leu dël Tokaido. Ai 22 ëd giugn 2013 ël Mont Fuji a l'é stàit marcà al Patrimòni mondial coltural ëd l'UNESCO tanme «leu sacrà e sorgiss d'anspirassion artìstica». A pòrto sò nòm[modìfica | modifiché la sorgiss]
|
