Τάραντας

Ηいーた σημαία τたうηいーた Ταραντού

Οおみくろん Τάραντας (σしぐまαあるふぁ ιταλικά Taranto, σしぐまαあるふぁ λατικινά Tarentum, σしぐま' αρχαία τたう' ελλενικά Τάρας) εいぷしろんνにゅー πολιτεία σしぐまηいーたνにゅー Ιταλίαν κかっぱαあるふぁιいおた εいぷしろんχかい' τρανόν ιστορίαν. Εいぷしろんνにゅー πρωτεύουσαν τたう' επαρχίας τたうηいーた Ταραντού κかっぱαあるふぁιいおた εいぷしろんνにゅー χτιζμέντζα σしぐまοおみくろんνにゅー Κόλπον τたうηいーた Ταραντού, σしぐま' Ιωνικόν Πέλαγος. Εいぷしろんχかい' πληθυσμόν σしぐまαあるふぁ 196.369 τたう' ανθρώπ'ς (2006). Ευρισκάται σしぐまηいーたνにゅー επαρχίαν Ταραντού, τたうοおみくろん έχ 29 δήμους. Οおみくろんιいおた ανθρώπ καικά εργάσκουνταν σしぐまηいーたνにゅー γεωργίαν, σしぐまοおみくろん ψάρεμαν κかっぱαあるふぁιいおた σしぐまηいーたνにゅー βιομηχανίαν (χημεία, θροφή, πουτίν, ξύλον, γυαλίν, κεραμικά).

Γεωγραφίαν

Τたうοおみくろんνにゅー Τάρανταν λέγνατον κかっぱαあるふぁιいおた «πολιτείαν τたうηいーた δυενών θαλασσίων» (città dei due mari). Ευρισκάται σしぐま' Ιώνιον τたうοおみくろん πέλαγος, σしぐまηいーた θάλασσας τたうηいーた γουήν. Εκεικά ηいーた θάλασσαν χωρίεται κかっぱαあるふぁιいおた ίνεται τたうοおみくろん μικρόν (Mar Piccolo) κかっぱαあるふぁιいおた τたうοおみくろん τρανόν ηいーた θάλασσαν (Mar Grande). Δでるたυうぷしろんοおみくろん ακρωτήραι χωρίζνε τたうαあるふぁ θάλασσας κかっぱαあるふぁιいおた σしぐまοおみくろん τέλος σχηματίζνε κόλπον. Ατουπές έχ' έναν νησίν, τたうοおみくろん έτον τたうοおみくろん παλιόν κέντρον τたうηいーた Ταραντού σしぐま' αρχαία τたうαあるふぁ χρόνε. Αβούτο τたうοおみくろん νησίν ενών'νにゅーεいぷしろん τたうοおみくろん δでるたυうぷしろんοおみくろん γεφύραι (Ponte di Porta Napoli κかっぱαあるふぁιいおた Ponte Girevole) μみゅーεいぷしろん τたうηいーたνにゅー ήπειρον.

Ιστορίαν

Οおみくろん μύθον λらむだεいぷしろんεいぷしろんιいおた οおみくろん ηいーたμみゅー'σόθεον Τάρας εποίκε τたうηいーたνにゅー πολιτείαν σしぐまαあるふぁ 1200 χρόνε πριχού τたうηいーたνにゅー ίδρυσην τたうηいーた Ρώμης καικά σしぐま' οσημερνόν τたうηいーたνにゅー πολιτείαν, σしぐまοおみくろんνにゅー ποταμόν Τάρα.

Σしぐまηいーたνにゅー αρχαιότηταν οおみくろん Τάραντας έτον γνωστόν κかっぱαあるふぁιいおた πλούσιον κέντρον τたうηいーた Τρανού τたう' Ελλάς (Magna Graecia).

Ηいーた ιστορίαν αあるふぁτたう' εいぷしろんνにゅー γομάτον πολέμ: Σα 272 πぱい.Χかい. τたうηいーた χρονίαν επαίραν αあるふぁτたうεいぷしろんνにゅー οおみくろんιいおた Ρωμαίοι. Σしぐまοおみくろんνにゅー μεσαίωναν βαρβαρικά μιλέτε εκατέστρεψαν ατέν. Οおみくろんιいおた Σαρακινοί εσήβαν κかっぱαあるふぁιいおた εποίκαν τたうοおみくろんνにゅー Τάραντα ισλαμικόν εμιράτον σしぐまαあるふぁ 840-880 απεσκέσ'. Επεκεί έντον μέρος τたうηいーた Βυζαντίου κかっぱιいおた ηいーた πολιτεία εχτέστεν ξくしーαあるふぁνにゅー σしぐま' ατωριζνόν τたうοおみくろん παλαιόν τたうηいーたνにゅー πολιτείαν καικά. Επεκεί ηいーた αφεντίαν έντον νορμανδικόν, ισπανικόν und γαλλικόν.

Σημαντικοί λόγιοι τたうηいーた φιλοσοφίας κかっぱαあるふぁιいおた τたうηいーた λογοτεχνίας εγγενέθαν σしぐまοおみくろんνにゅー Τάραντον: οおみくろん Αρχύτας, οおみくろん Λίβιος Ανδρόνικος κかっぱαあるふぁιいおた οおみくろん Αριστόξενος.

Συνδέσμ