Φιλοσοφία

Φιλοσοφίαν λέγουμε τたうοおみくろんνにゅー τρόπον νουνισματί γがんまιいおたαあるふぁ τたうοおみくろんνにゅー κόσμον, τたうοおみくろん σύμπαν, κかっぱαあるふぁιいおた τたう'αθρώπς. Έναν φιλοσοφίαν εいぷしろんνにゅー πολλά ιδέας, πぱい'εράεψεν κかっぱιいおた εποίκεν αあるふぁτたうαあるふぁ οおみくろん φιλόσοφον (ατός πぱい'εδεάβασεν κかっぱιいおた εσπούδασεν τたうοおみくろん νούνισμαν γがんまιいおたαあるふぁ τたうοおみくろんνにゅー κόσμον). Τたうαあるふぁ ιδέας τたうηいーた φιλοσοφίας είναι αφηρημένα, 'κかっぱ επορούμε νにゅーαあるふぁ «κρατούμ'αあるふぁτたうαあるふぁ σしぐまαあるふぁ ςέρια'μουν» δηλαδή. Άμαν ηいーた φιλοσοφίαν στηρίχκεται απάν' σしぐまαあるふぁ αλήθειας νにゅーτたうοおみくろん ελέπ' σしぐまοおみくろんνにゅー κόσμον. Ηいーた ηθικήν λらむだ.χかい. κανονίζ' κかっぱαあるふぁιいおた ρωτά νにゅーτたうοおみくろん νにゅーαあるふぁ φτάμε κάθαν ημέραν. Αあるふぁσしぐま' άλλ' τたうηいーた μεράν πぱいαあるふぁ ηいーた μεταφυσικήν τερεί τたうηいーた λειτουργείαν τたうηいーた κόσμονος.

Πολλοί λέγουνε νにゅーτたうοおみくろん έχνε «προσοπικόν φιλοσοφίαν». Ατό πぱいαあるふぁλらむだ' εいぷしろんνにゅー οおみくろん τρόπον μみゅーεいぷしろん τたうοおみくろんνにゅー οποίον ένας άθρωπος νουνίζ' γがんまιいおたαあるふぁ τたうοおみくろんνにゅー κόσμον. Σしぐま'άούτον τたうοおみくろん γράψιμον 'κかっぱ τερούμε τたうοおみくろん «προσοπικόν τたうηいーた φιλοσοφίαν» τたうηいーた αθρωπίων. Αδαπές τερούμε τたうαあるふぁ ιδέας τたうηいーた φιλοσοφίων.

Πολλά χρόνεα εμπροστά ους οσήμερον οおみくろんιいおた φιλόσοφοι εφτάνε ερωτήσεις άμον:

Τたうοおみくろん καλόν νにゅーτたうοおみくろん εいぷしろんνにゅー;
Τたう'έμορφον νにゅーτたうοおみくろん εいぷしろんνにゅー;
Επορούμε κかっぱιいおた εφτάμε άμον νにゅーτたうοおみくろん θέλομεν;
Οおみくろん Θεόν υπάρχει;
Οおみくろん κόσμον ολόερα υπάρχει;
Οおみくろん άθρωπον νにゅーτたうοおみくろん εいぷしろんνにゅー;
Ηいーた αλήθειαν νにゅーτたうοおみくろん εいぷしろんνにゅー;
Τたうοおみくろん κακόν νにゅーτたうοおみくろん εいぷしろんνにゅー;
Ηいーた επιστήμην νにゅーτたうοおみくろん εいぷしろんνにゅー;
Ηいーた φιλοσοφίαν νにゅーτたうοおみくろん εいぷしろんνにゅー;
Ηいーた σεβντά νにゅーτたうοおみくろん εいぷしろんνにゅー;