تحصيلي بورس
سکالرشيپ يا بورسيه د زده کوونکو يا محصيلينو سره د لګښتونو مرستې ته ويل کېږي، هغه هېوادونه چې له اقتصادي پلوه کمزوري يا ناامنيو ځپلي وي نو د نورو هېوادونو علمي مرکزونه ورسره د زده کړو د لګښتونو په برخه کې مرستې کوي.
![](https://upload.wikimedia.org/wikipedia/ps/thumb/6/6e/55555.jpg/220px-55555.jpg)
ترلاسه کول
[سمول]هغه هېوادونه چې د ناامنیو له امله يې اقتصاد کمزوری شوی وي، اوسېدونکو ته يې د زده کړو لګښتونه هم يو سرخوږی دی.
نو له همدې امله د نورو هېوادونو علمي مراکز او پوهنتونونه له دوی سره مرستې کوي، وېزې ورته لېږي د خپل هېواد پوهنتونونو ته يې ورغواړي، د ژوند چارو او درسونو په برخه کې ورته اسانتیاوې برابروي او په وړیا توګه د زده کړو زمینه ورته برابروي.
دا مهال افغانستان، اوکراین، سوريه، يمن، فلسطين او څو نور... هغه هېوادونه دي چې هر کال يې محصلين په زرګونو بورسیه یا سکالرشيپونه ترلاسه کوي.
د یادونې وړ ده؛ ښايي ډېر داسې هېوادونه شتون ولري چې اقتصاد يې پياوړی وي خو بياهم په بېلابېلو دلايلو محصلين يې د نورو هېوادونو بورسې ترلاسه کولو ته زړه ښه کوي.
ډولونه
[سمول]تحصيلي بورسونه زیاتره حکومتي دي چې ټول لګښتونه يې د دوی پرغاړه دي خو ځينې داسې شخصي پوهنتونونه هم شتون لري چې د خيريه ټولنو او بنسټونو په مرسته د نورو هېوادونو محصلينو ته بورسونه ورلېږي.
موده
[سمول]هر بورس يوه ټاکلې موده لري، ځينې يې کلنۍ او ځينې يې میاشتنۍ وي، د ټاکلي مودې پای ته رسېدو وروسته محصلين بېرته خپل هېواد ته استول کېږي. خو په ځينو هېوادونو کې داسې هم کېږي چې محصل د دايمي استوګنې غوښتنه وکړي.
سرچینې
[سمول]انګرېزي ويکيپېډيا او د پژواک خبري رسنۍ