ariki
aza ariki nu aya itjen mavan a siaya tua kisanpaljavak tua qinaljan nua i pulinisiya.[1][2] namaya tua mamazangiljan nua itjen a payauan aicu a ariki. manu maretimalji a sikakaiyan nua mareka qinaljan tuazua ariki. matu ariki aya tiamadju a sikataqaljan i nakitjukadjunangan a kuk (Cook Islands) katua niwzilend. nia sikataqaljan i rapa nui (Easter Island) mavan a ꞌariki.
(E)
nu maqati a masan malailaing sa paljavak tua taqaljaqaljan, masa patjara tua katjepiculan niamadju. ini’a amin a masa ljaima tiamadju, avan a masa izua a kinasamuljan kata pinakazuanan niamadju uta, sa maqati a maqulip auta. nu ini’a pucawcawanga sa ini’a katjepiculananga uta, qaw qadjaw a maqati a ini’a a paljavak tua cawcau tiamadju.[3]
(F)
napaljavak a ariki tua “tapu”(aicu a tjaljapazangalan) sa mepupicul tiamadju. ljawa izua a karakudakuda a sinukuz, qaw maqati a penenetj a ariki sa izua a liaw a katjepiculan niamadju. avan aicu a katjepiculan, sa kisusu tjayamadju a taqaljaqaljan sa ini’a qemadilj a ariki a paljavak tua cawcau.[4]
- ↑ Hale, Horatio (1846). United States Exploring Expedition During the Years 1838, 1839, 1840, 1841, 1842: Ethnography and Philology. Vol. 6. Philadelphia: Printed C. Sherman. p. 294.
- ↑ Fornander, Abraham; Stokes, John F. G. (1885). An Account of the Polynesian Race. Vol. 3. London: Trübner & Company. pp. 55–56.
- ↑ Hunt, Errol (2003). Rarotonga & the Cook Islands. Lonely Planet. p. 10. ISBN 978-1-74059-083-9.
- ↑ Hunt, Errol (2003). Rarotonga & the Cook Islands. Lonely Planet. p. 10. ISBN 978-1-74059-083-9.