Акротири и Декелия
Акроти́ри и Деке́лия, англ. Akrotiri and Dhekelia — двѣ бритскы военскы базы на островѣ Кипр. Мають статус заморскых територий Великой Британии. Базы суть од року 1960 на закладѣ Договора о установлѣню независимой Републикы Кипр, подля котрого Споене кральовство достало под свою повну суверениту територию плохов 254 км2.[1][2] Стратегична полога острова давать можность военской контролы над Близкым Востоком.
Полога
[едітовати | едітовати жрідло]База Акроти́ри, гр. Ακρωτήρι, тур. Agrotur, 34°37′N 32°58′E / 34.617°N 32.967°E; зоз гарнизонов в касарнях Епископи положена на югу Кипра, недалеко од города Лимасол, Деке́лия гр. Δεκέλεια, тур. Dikelya, 34°59′N 33°45′E / 34.983°N 33.750°E — на юго-востоке острова, около города Ларнака.
База Декелия лежить меджи турецков и грецков частями острова в розрывѣ Зеленой линии.
Обывательство
[едітовати | едітовати жрідло]На базах Акротири и Декелия перебывають около 18195 особ, з них 11000 — Кипряне, 7195 — обслуга, военскый контингент и члены родин (2020).[1][2]
