Гамбург
Другый найвекшый город ФРГ
|
Га́мбург, нѣм. Hamburg высловлѣня (файл) — город на сѣверѣ Германии и една зоз 16 федералных земель Федеративной Републикы Германии, «город-земля».[1] Другый найвекшый (подля обывательства) город державы по Берлинѣ, семый найвекшый в Европской унии и найвекшый неглавный город в Европской унии.
Полога
[едітовати | едітовати жрідло]![](https://upload.wikimedia.org/wikipedia/commons/thumb/c/c8/%D0%93%D0%B0%D0%BC%D0%B1%D1%83%D1%80%D2%91.jpg/120px-%D0%93%D0%B0%D0%BC%D0%B1%D1%83%D1%80%D2%91.jpg)
Гамбург лежить на рѣцѣ Лаба, о 110 км од Сѣверного моря.[1] Берегы рѣкы творять еден довгый природный морскый пристав. Гамбург — еден з найвекшых приставовых городох в Европѣ. За свою пологу быв часто называный «воротами до свѣту», нѣм. Tor zur Welt.
Економика
[едітовати | едітовати жрідло]Гамбург — великый транспортный узел, главный морскый пристав державы, домовскый пристав про половку шиф морской флоты ФРГ; накладовый оборот морского пристава 59,7 млн. т, рѣчного пристава — 9,2 млн. т (в року 1983). Меджинародне летиско Фулсбюттел. Важный промысловый, торговелный, финанчный и културный центер. Найвеце розвиты лодярство и з ним споены конарѣ машинарства, авиачный, електротехничный и радиоелектронный промысел, металургия нежелѣзных металох (мѣдь), точна механика; спрацьованя ропы, хемичный и гумоазбестовый, легкый и дереварскый, потравиновый (млинарскый, маслярскый, догановый, пивоварскый) промысел; выроба музичных инштрументох (клавиры).[1]
Наука и култура, памяткы
[едітовати | едітовати жрідло]Гамбург мать универзиту. инштитут нуклеарных изглядовань, културны инштитуции — державна опера, музеи: Алтонскый (история и култура сѣверной Германии), етнографии, Кунштгалле, умѣня и ремесел и др. Архитектурны памяткы XIV. – XIX. стороча.
Про пересмотр памяток кликнѣть на панорамѣ про звекшѣня и хоснуйте посувачкы.[1]
Транспорт
[едітовати | едітовати жрідло]Гамбург е узлом водных, воздушных и сухоземных дорог, едным з найважнѣйшых приставох Европы. Нижне пристанище принимать вшиткы морскы шифы, а верхне — лем шифы зо занурѣньом до 5 м.[2] Право- и лѣвобережны части города злучены двома подводныма тунелами сумарной довжкы 3,3 км[1] и понад 60 мостами.[2] Внуторный транспорт города: метро, городска желѣзниця, компы и др.
Жерела и одказы
[едітовати | едітовати жрідло]- Трёшников А.Ф. Географический энциклопедический словарь: Географические названия. /Гл. ред. А. Ф. Трёшников. — 2-е изд., доп. — М.: Сов. энциклопедия, 1989.— 592 с. ISBN 5-85270-057-6 русс.
- Водовозов В.В.: Гамбург. // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907. Доступне онлайн