Есей

Есеи Мишела де Монтеня

Есей, фр. essai — проба, шкица — прозове писаня филозофского, литературного, историчного, публицистичного або иншого характера, выкладаючое в емотивной, невязаной формѣ розмышляня автора.

Есей може быти аналитичный, интерпретачный або критичный але е невеликого розсягу и говорить о темѣ зоз субъективного и часто ограниченого погляду, кедь бы сьме го хотѣли поровнати з научнов роботов.

Авторство термина

Термин есей установив Монтень в 16. ст., а перед ним подобного рода писаня называли трактатами.

История вывину

До найдавнѣйшых писань такого рода належали трактаты Святого Августина з 4-5. ст. але они были, як христианска литература обвыкло, барз дидактичны. Аж в добѣ Ренесанции, коли выросла вага индивидуалности, вывинула ся флексибилна и замѣрно недзбала и пружна форма есея, котру Монтень допрацовав до совершенства. Идеал Монтеня быв освоеный и приятый его наступниками на цѣлы столѣтя. Тот идеал понукав етичну норму чоловѣка толерантного, недогматичного, влюдного ку свому социалному окружѣню.

Жерела и одказы

• Essay. Encyclopaedia Britannica англ.
• Жеребило Т. В. Словарь лингвистических терминов. Изд. 5-е, исправл. и дополн. Изд-во «Пилигрим». Назрань, 2010. русс..