Adobe Photoshop
![](https://upload.wikimedia.org/wikipedia/commons/thumb/a/af/Adobe_Photoshop_CC_icon.svg/220px-Adobe_Photoshop_CC_icon.svg.png)
Adobe Photoshop (бесѣдно просто Photoshop), е професионална комерчна программа на обробку растерной графикы од америцкой софтверной компании Adobe Systems. Photoshop дозвалять интерактивне редагованя сканованых и цифрово одфотованых графичных материалов з готовыма инструментами. Программа подтримуе над 20 графичных файловых форматов и ей интерфейс е доступный в розличных языках. Властый файловый формат — PSD (PhotoShop Document), котрый захранять вшиткы атрибуты, хоснуе ся под час довгшой роботы (напримѣр з различныма слоями (Layers) и масками (Masks), и историев змѣн (History), а в конци може быти готова робота дана до хотьякого жаданого формата.
Мѣсто в днешном животѣ
[едітовати | едітовати жрідло]![](https://upload.wikimedia.org/wikipedia/commons/thumb/b/bc/Wikipedia_-_taste_the_fruit_of_knowledge.jpg/220px-Wikipedia_-_taste_the_fruit_of_knowledge.jpg)
Photoshop е една из первых, але и доднесь зоставать ведучов программов на редакцию дигиталных (цифровых) зображѣнь. Ей имя стало ся пословичным, можеме чути: „Что ся чудуеш, тота знимка е фотошопнута!“. Циже, часто ся ставать, же то, что видиме, не е оригинална фотография, а е резултат майстерной компютерной ретушѣ або и графичного змонтованя. Нова можность дигиталного зображованя привела до появы такых понять, як цифрова фотоманипулация (photomanipulation) и дигиталне рисованя (digital painting) з розличныма техниками, напримѣр, розпорошовачом (airbrushing).
Photoshop е программа не лем про визуалну обробку знимок и образчиков, але и на створѣня график, шкиц, мап и другых зображѣнь.
Найновшы верзии
[едітовати | едітовати жрідло]Photoshop 14, датованый юном 2013, мать назву Photoshop CC. Куртанка CC означать, же продукт интегрованый до пакета программ Adobe Creative Cloud.[1] Од юна 2014 программа мать нове означованя верзий: теперь ю называють подля рока выпуска (Photoshop 2014.0.0).
Росширены функции программы
[едітовати | едітовати жрідло]Росширена верзия программы Adobe Photoshop Extended назначена про вецей профессийне хоснованя; при створѣню анимованых филмов, видео, мултимедийных проектов, тримѣрного графичного дизайна и веб-дизайна, при роботах в сферѣ промысловой продукции, медицины, архитектуры, при научных изглядованях.
В программѣ Adobe Photoshop Extended сучасных верзий (од CS4) мож отваряти и нарабляти з 3D-файлами[2], створеными такыми программами, як Adobe Acrobat 3D, Autodesk 3ds Max, Maya и Google Планета Земля.
Одказы
[едітовати | едітовати жрідло]- Сторонка семейства продуктов Adobe Photoshop(русс.) на официалном сайтѣ Adobe.
- Наставы и помочь в Adobe Photoshop (русс.)
- Essential 3D concepts and tools in Photoshop