Бурнашев Иван Иванович

Иван Иванович Бурнашев — Тыа хаһаайыстыбатын салаатыгар Государственнай бириэмийэ лауреата.

1992 сыллаахха «Быйаҥ» бааһынай хаһаайыстыбаны төрүттээбитэ. Бу хаһаайыстыба 2000 сыллаахха президенскэй тирэх хаһаайыстыба буолбута. 2003 сыллаахха алтынньы 20 күнүгэр тыа хаһаайыстыбатыгар үрдүк ситиһиилэрин, фермерскэй хамсааһыҥҥа тус кылаатын киллэрбитин иһин Саха Республикатын Президенин 1257 №-дээх ыйааҕынан Государственнай бириэмийэни анаабыттара.

Кини 1953 сыллаахха Лөгөй нэһилиэгэр төрөөбүтэ. Лөгөй орто оскуолатын бүтэрбит. Партизан Заболоцкай аатынан сопхуос Хомустаахтааҕы отделениетыгар үлэлээбитэ.