Вологда уобалаһа

Вологда уобалаһа

Вологда уобалаһын былааҕа Вологда уобалаһын гиэрбэтэ
Киин куората	Вологда
Иэнэ	145 700 км²
Дьонун ахсаана	1 218 300 (2009)
Федеральнай уокуруга	Хотугулуу-Арҕааҥҥы
Экономическай оройуона	Хотугу
Ил тыла	Нуучча тыла
Губернатор	Вячеслав Позгалёв
Уобалас сэбиэтин Бэрэстээтэлэ
Кэм зоната	MSK (UTC+3, сайын UTC+4)

Вологда уобалаһа (нууч. Вологодская область) — Арассыыйа Федерациятын субъега. Киин куората — Вологда.

Тэриллибитэ балаҕан ыйа 23-үс күнүгэр, 1937-ис сылга.

География

Кирбиилэһэр: Архангельскай, Киров, Кострома, Ярославскай, Тверь, Новгород, Ленинград уобаластарын уонна Карелияны кытта.

Уобалас Илин Европа дэхси сирин хотугулуу-илин өттүгэр сытар, сирин рельефа – томтордоох.

Климата умеренно континентаальнай, тымныы кыһыннаах (тохсунньу орто темп. -14 °C) уонна сылаас сайыннаах (от ыйын орто темп. +18 °C). Халлаан уута – сылга 500 мм түһэр.

2/3 уобалас иэнэ – тыалар, сүрүнэн харыйалар.

Сир баайа

Сиртэн хостонор баайынан уобалас мөлтөх. Торф, тутуу материаллара, туус уонна минеральнай уулар бааллар.

Демография

Уобалас омуктарын ахсааннара:

• Нууччалар — 1 225 957 (96,56 %)
• Украиннар — 12 297 (0,97 %)
• Омуктарын эппэтэх дьоннор — 5 668 (0,45 %)
• Белорустар — 4 918 (0,39 %)
• Азербадьааннар — 2 665 (0,21 %)
• Эрмээннэр — 2 150 (0,17 %)
• Цыганнар — 2 079 (0,16 %)
• Татаардар — 1 857 (0,15 %)
• Молдаваннар — 1 048 (0,09 %)

Экономика

Уобаласка хара метталургия улаханнык сайдыылаах. 2004-үс сылга, Вологда уобалаһа (Россияны барытын 100% диэн аахтахха) оҥорбута – тимир прокат – 17%, ыстаал – 16%, минераальнай уоҕурдуу – 11%, подшипник – 14,5%, деловой мас – 7%, лён таҥастар – 11,4%.

Сигэлэр

• Уобалас правительстватын саайта (нуучч.) Архыыптаммыт 2004, Ахсынньы 13 күнүгэр.
• Уобалас форума (нуучч.) Архыыптаммыт 2010, Олунньу 16 күнүгэр.