Accra

Custu artìculu est iscritu cun sa grafia Limba Sarda Comuna. Abbàida sas àteras bariedades gràficas:

campidanesu · logudoresu · nugoresu

Tzentru de Accra

Posidura in su Ghana

Accra (pronuntziadu "acrà") est sa capitale de su Ghana. Est sa tzitade prus manna de su paisu e su tzentru amministrativu, econòmicu e de comunicatziones. Setores de importu pro s'economia sua sunt s'indùstria alimentare, sa de sa linna, sa de tèssìngiu e sa chìmica. Tenet una populatzione de 1.661.400 bividores (2001), cun prus de tres milliones in su conglomeradu urbanu. Sa tzitade disponet de s'Aeroportu de Kotoka.

S'Accra atuale si fiat isvilupada a giru de duos de casteddos, unu de britànnicu e unu olandesu, pesados in su sèculu XVII. In su 1877, Accra aiat pigadu su logu de Castro Coast che a capitale de sa colònia britànnica de Costa de Oro. A pustis de sa fraigadura de sa ferruvia pro comunicare s'internu mineri e agrìculu cun su mare, Accra si fiat fatu su tzentru econòmicu de su Ghana. Est sa sede de su Museu Natzionale, s'Acadèmia Ghanesa de Sièntzias e Artes, s'Archìviu Natzionale e sa Biblioteca Tzentrale. Intre is monumentos de importu deghit fentomu a su casteddu de Christianborg, fraigadu dae is danesos in su sèculu XVII. Foras de sa tzitade b'at s'Achimota School, s'iscola segundària printzipale de su paisu, e a 13 km in su norte, in Legon, s'Universidade de Ghana. Sa Cummissione de Defensa de s'Organizatzione de s'Unione Africana tenet sa sede in Accra. Accra est fintzas sa capitale de sa Regione de Accra Manna.