Joe Biden
campidanesa. Abbàida sas àteras bariedades gràficas:
logudoresu · LSC · nugoresu
| Joe Biden | |
|---|---|
 | |
| Nùmene intreu | Joseph Robinette Biden, Jr. |
| Connotu(a) pro | Presidèntzia de is Stadus Aunius de su 2021 |
| Nàschida | 20 donniasantu 1942 |
| Tzitadinàntzia | Stadunidensa |
| Traballu | Abogau, polìticu |
| Afiliatzione | Partidu Democràticu (Stadus Aunius) |
| Religione | Catòlica |
| Situ ufitziale https://joebiden.com/es/inicio/ | |
Joseph Robinette "Joe" Biden, Jr. (Scranton, Pennsylvania, 20 de donniasantu 1942) est unu polìticu e abogau stadunidensu.
Polìticu de su Partidu Democràticu e spertu de polìtica èstera, est su de 46 presidentis de is Stadus Aunius de su 2021. De su 1973 a su 2009 est stètiu senadori po su Delaware. De su 2009 a su 2017 est stètiu vice-presidenti de is Stadus Aunius asuta de su presidenti Barack Obama.
Biden est stètiu senadori po 36 mandaus. Custu ndi fait su senadori de su Delaware chi at serbiu po prus tempus. Est stètiu presidenti de sa comissioni po si afàrius èsterus de su de 110 cungressus.
Biden at annuntziau sa candidadura sua a presidenti de is Stadus Aunius in su 2007, ma at dd'at arrimada in gennaxu 2008. Apustis, Obama dd'at bòfiu comenti vice-presidenti suu.
Biden at in printzìpiu decrarau de pensai a sa candidadura a is eletzionis de su 2016[1]. Po contras, su 21 de su mesi de ladàmini 2015, chistionendi in sa Pratza de is Rosas (acanta de sa Domu Arba) cun sa pobidda e su presidenti Obama acanta, at annuntziau de no si candidai.[2][3][4]
Biden at annuntziau sa candidadura a presidenti po is eletzionis de su 2020 su 25 de abrili 2019, e in làmpadas 2020 est arribau a is 1 991 delegaus chi ddi serbiant po essi candidau po su partidu[5]. S'11 de autu 2020 at annuntziau chi su senadori Kamala Harris iat a essi su candidau a vice-presidenti[6]. Biden at bintu is eletzionis de su 3 de donniasantu 2020 contras a su presidenti in bessida Donald Trump[7], e est bessiu presidenti a manera ofitziali su 20 de gennaxu 2021.
In sa dii de su giuramentu, Biden teniat 78 annus e 2 mesis, bessendi su presidenti prus antzianu in su momentu de su giuramentu (Trump teniat su record passau, cun 70 annus) e su presidenti prus antzianu in càrriga (Ronald Reagan, chi teniat 77 annus candu at acabau su mandau suu). Est fintzas su primu presidenti chi benit de Delaware, su segundu de religioni catòlica apustis de John Fitzgerald Kennedy e su segundu apustis de Richard Nixon a essi eletu apustis de essi vice-presidenti.
Riferimentus
[modìfica | modìfica su còdighe de orìgine]- ↑ (EN) Colby Itkowitz, There is a ‘Draft Joe Biden’ super PAC now. It’s even hiring a fundraiser., in The Washington Post, 12 martzu 2015.
- ↑ (EN) A. O. L. Staff, Biden says he will not seek 2016 Democratic nomination, in www.aol.com. URL consultadu su 26 cabudanni 2021.
- ↑ (EN) Mollie Reilly, Joe Biden Is Not Running For President In 2016, in HuffPost, 21 santugaine 2015. URL consultadu su 26 cabudanni 2021.
- ↑ (EN) Colleen McCain Nelson And Peter Nicholas, Joe Biden Decides Not to Enter Presidential Race, in Wall Street Journal, 21 santugaine 2015. URL consultadu su 26 cabudanni 2021.
- ↑ (EN) Annie Linskey, Biden clinches the Democratic nomination after securing more than 1,991 delegates, in The Washington Post, 9 làmpadas 2020.
- ↑ (EN) Melissa Macaya, Live updates: Biden announces 2020 election VP pick, in CNN, 11 austu 2020. URL consultadu su 26 cabudanni 2021.
- ↑ (EN) Meg Wagner, Fernando Alfonso III, Melissa Macaya, Melissa Mahtani, Veronica Rocha and Amanda Wills, November 7, 2020: US election news, in CNN, 7 santandria 2020. URL consultadu su 26 cabudanni 2021.