Montana

Artìculu in LSC

Inditadu in ruju s'istadu de Montana

Bandera de su Montana

Su Montana (/mɒnˈtænə/) est unu istadu de s'Ovest de sos Istados Unidos. Su nòmene benit de su faeddu ispagnolu de montaña, chi cheret nàrrere monte. Sa capitale est Helena ma sa tzitade prus manna est Billings.

Allàcanat in su Nord cun is provìntzias canadesas de (andende de s'Est a s'Ovest) Saskatchewan, Alberta e Colùmbia Britànnica, in s'Est cun is istados federados de Dakota de Nord e Dakota de Sud, in su Sud cun su Wyoming e in parte cun su Dakota de Sud, in s'Ovest cun su Idaho.

Su Montana est su de 4 istados federados in istèrrida ma su de 44 in populatzione e de 48 in densidade. Sa regione otzidentale de tres est rica de montes chi pigant parte a sa catena de is Montes Rocosos. Bi sunt parcos naturales comente su Glacier National Park e su Yellowstone National Park.

Su clima est meda bàriu, sende chi s'istadu tenet istèrrida manna e artàrias intre de 600 m e prus de 4.000 m. Is temperaduras a de die andant de una mèdia de -2°C in ghennàrgiu e una de 29°C in trìulas.

S'econòmia est prusatotu basada subra sa massaria. Àteras fainas sunt su petròliu, su gas, is minas de carbone, su linnàmene e su turismu. Fintzas su servìtziu de sanidade est de importu in s'econòmia.

Su Montana tenet medas nomìngios comente "Big Sky Country" (Terra de su Chelu Mannu) e "The Treasure State" (S'Istadu Pòsidu), e slogans comente "Land of Shining Mountains" (Terra de is Montes Lughentes) e "The Last Best Place" (S'Ùrtimu Megius Logu).

Est su primu istadu chi at tentu una fèmina a ddu rapresentare in su Cungressu.