Fundu Mundiale pro sa Natura
Artìculu in LSC
![](https://upload.wikimedia.org/wikipedia/commons/thumb/0/03/WWF_logo_%28Text_only%29.svg/282px-WWF_logo_%28Text_only%29.svg.png)
![](https://upload.wikimedia.org/wikipedia/commons/thumb/e/e0/Oasi_Valtrigona_069_Logo_Oasi_WWF.jpg/280px-Oasi_Valtrigona_069_Logo_Oasi_WWF.jpg)
Su Fundu Mundiale pro sa Natura[1] (in inglesu: World Wide Fund for Nature, World Wildlife Fund o incurtzadu WWF) est un'organizatzione de cunservatzione globale de s'ambiente, chirca e de defensa ambientale. Custu assòtziu, tenet sa sede in Gland (Isvìtzera), contat cun unos 5 milliones de membros in totu su mundu[2] e disponet de una rete operativa in 96 istados.
Cun s'arribu a su zoològicu de Londra de su panda gigante (Ailuropoda melanoleuca) Chi-Chi su 1961, fiat comintzada sa chistione subra s'interventu de s'òmine in sa natura e sas ribàtidas in s'estintzione de ispètzies comente sos ursos panda, in perìgulu a causa de s'annichilamentu de sas padentes de cannas de bambú, promòvida dae sos otzidentales colonizadores, pro evitare pragas de sòrighes in casu de froridura e produtzione manna de laore de sos bambús, comente fiat acadèssidu a Mizoram in su 1959; in contradditzione a su pensamentu traditzionale de Oriente segundu chi si cunsìderat chi s'annu chi frorit una padente de bambú (segundu s'ispètzie podent istentare deghinas de annos a frorire) at a èssere un'annu de progressu,chentza de passare fàmine, cun meda laore immagasinadu.
Su WWF est istadu fundadu s'11 de cabudanni de su 1961 a Morges, Isvìtzera, dae Sir Julian Huxley (1887-1975), Sir Peter Markham Scott (1909-1989), Guy Mountfort (1905-2003) e Max Nicholson (1904-2003) suta nùmene de World Wildlife Fund for Animals, pro mudare nùmene in su 1986 cun s'atuale World Wide Fund for Nature (cun totu chi in sos Istados Unidos e in su Canada galu cunservant su nùmene originale), adotende a logòtipu reconnotu a livellu mundiale su panda, de ogros espressivos e marcados nieddos, ispiradu dae su panda Chi-Chi.
Notas
[modìfica | modìfica su còdighe de orìgine]- ↑ Fons Mundial per a la Natura (XML), in enciclopedia.cat.
- ↑ WHO WE ARE, in worldwildlife.org.
Àteros progetos
[modìfica | modìfica su còdighe de orìgine]![]() |
Wikimedia Commons tenet files chi ligant a: Fundu Mundiale pro sa Natura |