Central Park

Lu Central Park è lu parcu cchiù mpurtanti e canusciutu di Nova York, pirchì, comu dici lu stessu nomi, s'attrova ô centru di l'isula di Manhattan, lu quartieri principali dâ cità. La so pusizzioni, li so granni diminsioni e la so biddizza anu cuntribbuitu a fari di stu parcu lu set cinematograficu di un munzeddu di film girati ni la Granni Mela, aumentannu la so fama ntô munnu. Una particularità chi renni u Central Park facilmenti raccanuscibbili è lu fattu di essiri circunnatu di grattacieli, unni s'attrovanu alcuni di li appartamenti cchiù cari e ricircati di tutta Nova York, grazzi a la vista unica chi ponnu òffriri.