Grand Tour

Letters from several parts of Europe and the East, 1763

Cu l'esprissioni Grand Tour si ntenni nu viaggiu 'n Italia all'èbbica dû rumanticismu, tra la secunna mità dû XVIII sèculu e la prima mitati dû XIX sèculu. Di nu latu lu gran tour cuntribbuiva a fari nasciri lu ntiressi pi li antichità grechi e rumani chi si putÈvanu taliari n Italia, e di l'autru latu fu la prima vota n cui genti chi si lu putèvanu pirmettiri, n pruvinenza dî paisi forasteri (Girmania, Francia, Regnu Unitu), visitavanu l'Italia senza scopi prittamenti cummiriciali o pulitichi. Nti nu certu sensu lu Gran Tour fu unu dî primi esempia di turismu ntirnazziunali 'n Europa.

Quarchi vota, li genti chi s'abbinturavanu ô Gran Tour, eranu accumpagnati di disignatura, o iddi stissi annutavanu discrizzioni dittaggliati dî loca di l'èbbica. E' grazzi a iddi chi ci sunnu òi tistimunianzi dâ vita di tutti li jorna n Sicilia, o a Napuli, di l'èbbica. Sti discrizzioni eranu n sequitu pubbricati e sirvivanu comu guida di viaggiu pi autri genti chi facevanu lu Gran Tour.

Tra li rapprisintati cchiù mpurtanti dû Gran Tour lu cchiù mpurtanti fu senza dubbiu Goethe. N termini di tistimuninazi scritti, mpurtanti cuntribbuta foru puru chiddi di l'Abbati di Saint-Non, l'Houel Vivant Denon e Patrick Brydone.