Porta Firdinàndia
La Porta Firdinàndia (appoi chiamata Porta Garibbardi) è n'arcu di triunfu fabbricatu n Catania ntô 1768 e pruggittatu di Stefano Ittar pi cummimurazzioni dû matrimoniu di Firdinandu I dî Dui Sicili e Maria Carulina d'Asburgo-Lorena. S'attrova ntra â chiazza Palestru e la chiazza Crucifissu, â fini dâ strata Giuseppi Garibbardi. Lu quarteri è chiamatu dê catanisi Û Futtinu, picchì nta ssu locu cc'era nu furtinu ca avìa statu custruitu dô duca di Ligne, doppu l'eruzzioni dû 1669 ca agghicò ntâ banna urientali dâ citati, cummigghiannu e sdirubbannu li difesi midiuvali.
Di l'òpira di furtificazzioni ca cc'era fatta ammeri sud dâ chiazza Palestru, arristò ora sulu na porta n strata Sacchero.