ⵓ ⵜⵓⵏⴰⵔⵜ
| ⴰⵏⴰⵡ ⵏⵖ ⴰⵙⵔⵜⵓ | ⴰⵡⵜⵎ  |
|---|---|
| ⴰⵙⵙⴼ ⵏ ⵜⵍⴰⵍⵉⵜ | 1085 |
| ⵉⴷⴰ ⵏ ⵜⵍⴰⵍⵉⵜ | ⴽⴰⵍâⴰ ⴷⴻⵙ ⴱéⵏⵉ ⵀⴰⵎⵎⴰⴷ |
| ⴰⵙⵙⴼ ⵏ ⵜⵎⵜⵜⴰⵏⵜ | 1172 |
| ⵉⴷⴰ ⵏ ⵜⵎⵜⵜⴰⵏⵜ | ⴼⴰⵙ |
| ⵜⵓⵜⵍⴰⵢⵉⵏ ⵙ ⴰⵔ ⵉⵙⴰⵡⴰⵍ, ⴷ ⵙ ⴰⵔ ⵉⵜⵜⴰⵔⴰ | ⵜⴰⵄⵔⴰⴱⵜ, ⵜⵓⵜⵍⴰⵢⵜ ⵜⴰⵎⴰⵣⵉⵖⵜ |
| ⵜⴰⵡⵓⵔⵉ ⴷ ⵎⴰⴷ ⵉⵙⴰⵍⴰ | ⴰⵎⴰⵔⴰ ⵏⵖ ⵜⴰⵎⴰⵔⴰⵜ, ⴰⵏⴱⴹⵓ |
ⴰⴱⵓ ⵄⴰⴱⴷⵓⵍⵍⴰⵀ ⵎⵓⵃⴰⵎⵎⴰⴷ ⵉⴱⵏ ⵊⴰⵄⴼⴰⵔ ⴰⵍ-ⵇⴰⵢⵙⵉ, ⵉⵜⵜⵓⵢⵙⴰⵏ ⵙ ⵢⵉⵙⵎ ⵏ ⵉⴱⵏ ⵜⵓⵏⴰⵔⵜ ⵏⵖ ⵉⴱⵏ ⵜⵓⵏⵉⵔⵜ. ⵉⵍⵓⵍ ⵖ 1085 (478 ⵀⵉⵊⵔⵢⴰ) ⵖ ⵜⵇⵍⵉⵄⵜ ⵏ ⴰⵢⵜ ⵃⵎⵎⴰⴷ ⵖ ⴱⴳⴰⵢⵜ (ⴰⴳⴰⴼⴰ ⵏ ⴷⵣⴰⵢⵔ ⵜⴰⵜⵔⴰⵔⵜ). ⵉⵀⵉⵢⵢⴰ ⵜⵉⵖⵔⵉ ⵏⵏⵙ ⵖ ⴱⴳⴰⵢⵜ ⴷ ⴷⵣⴰⵢⵔ ⵜⴰⵎⴷⵉⵏⵜ, ⴼⴰⴷ ⵉⵍⵎⵎⴰ ⵖ ⴽⵓⵔⴷⵓ ⵖ ⵡⴰⵏⴷⴰⵍⵓⵙ. ⵉⴽⴽⴰ-ⵜⵜ-ⵉⵏ ⵉⴳⴰ ⵍⵇⴰⴹⵉ ⴷ ⵓⵙⵍⵎⴰⴷ ⵖ ⴼⴰⵙ ⵍⵍⵉ ⵖ ⵉⵎⵎⵓⵜ ⵖ 1172[1]. ⵉⴽⴽⴰ-ⵜⵜ-ⵉⵏⵏ ⵉⴳⴰ ⵓⵍⴰ ⴰⵎⴰⵔⴰ ⵙ ⵜⵎⴰⵣⵉⵖⵜ.
ⴰⴷⵍⵉⵙ ⵏ ⵉⵙⵎⴰⵡⵏ
[edit | edit source]
|
ⵉⴳⴰ ⵓⴷⵍⵉⵙ ⵏ ⵉⵙⵎⴰⵡⵏ (ⵙ ⵜⵄⵔⴰⴱⵜ: كتاب الاسماء ⴽⵉⵜāⴱ ⴰⵍ-ⴰⵙⵎā’) ⵢⴰⵏ ⵎⵙⵎⵓⵏ ⴰⵡⴰⵍ ⴰⵄⵕⴰⴱ-ⴰⵛⵍⵃⵉⵢ ⵏⵏⴰ ⵢⴰⵔⴰ ⵉⴱⵏ ⵜⵓⵏⵔⵜ. ⵏⵜⵜⴰⵏ ⴰⴷ ⵉⴳⴰⵏ ⴰⵇⴱⵓⵔ ⴰⴽⴽⵯ ⵖ ⵉⴷ ⵎⵙⵎⵓⵏ ⴰⵡⴰⵍ ⵏ ⵜⵓⵜⵍⴰⵢⵉⵏ ⵜⵉⵎⴰⵣⵉⵖⵉⵏ, ⵃⴹⴰⵏⵜ ⵖⵉⵍ ⴰⴷ ⵖ ⵜⵏⵉⴷⵍⵉⵙⵏ ⵏ ⵎⵎⵙⵀ ⵏ ⴰⵉⵅ-ⴻⵏ-ⴱⵔⵓⴼⴻⵏⵛⴻ (ⵜⴰⵙⴷⴰⵡⵉⵜ ⵏ ⵎⴰⵔⵙⴻⵢ). ⵉⵜⵜⵢⵓⵔⴰ ⵖ ⵜⴰⵙⵓⵜ ⵜⵉⵙ ⵙⵏⴰⵜ ⴷ ⵎⵔⴰⵡⵜ[1] ⵖ ⵓⵙⴳⴳⵡⴰⵙ ⵏ 1145 (540 ⵀⵉⵊⵔⵢⴰ)[2].
ⴽⴽⵓⵥ ⵏ ⵡⴰⵔⵔⴰⵜⵏ ⴰⴷ ⵓⴼⴰⵏ ⵏ "ⴰⴷⵍⵉⵙ ⵏ ⵉⵙⵎⴰⵡⵏ", ⴽⵔⴰⵢⴳⴰⵜ ⵢⴰⵏ ⴳⵉⵙⵏ ⵓⵔ ⵉⵔⵡⴰⵙ ⵡⴰⵢⵢⴰⴹ. ⵎⵓⵏⵏ ⴽⵓⵍⵍⵓ ⵖ ⵢⴰⵏ ⵡⴰⵔⵔⴰ ⵉⴳ ⵡⵉⵏ ⵜⴰⵙⵓⵜ ⵜⵉⵙ ⵙⴰⵜ ⴷ ⵎⵔⴰⵡⵜ ⴰⵔ ⵜⵉⵙ ⵙⵉⵎⵔⴰⵡⵜ. ⴳⴰⵏ ⵙ ⴽⴽⵓⵥ ⵉⵜⵙⵏ ⵡⵉⵏ ⵓⵎⴰⵔⴰ ⵉⴱⵏ ⵜⵓⵏⴰⵔⵜ. ⵜⵉⵙ-ⴽⴽⵓⵥⵜ, ⵜⴰⵍⵍⵉ ⴰⴽⴽ ⴳⵉⵙⵏ ⵉⵙⵜⴰⵡⵀⵎⴰⵏ, ⴳⵉⵙ ⵓⴳⴳⴰⵔ ⵏ 2.500 ⵏ ⵓⴽⵛⵛⵓⵎⵏ ⵉⵄⵔⴰⴱⵏ ⴷ ⵓⵙⵓⵖⵍ ⵏⵏⵙⵏ ⵙ ⵜⴰⵛⵍⵃⵉⵜ. ⵉⴽⵛⵛⵓⵎⵏ ⴰⴷ ⵙⵎⵓⵏⵏⵜⵏ ⵄⵍⴰ ⵃⵙⴰⴱ ⵉⵎⵔⵙⵉ ⵏⵏⵙⵏ (ⵜⴰⵣⵣⵉⵜ ⵏ ⵓⴼⴳⴰⵏ, ⵉⵎⵓⴷⴰⵔ ⵏ ⵜⴳⵎⵎⵉ, ⵉⵎⵖⵉ[ⴰⵎⴰⵡⴰⵍ 1] ...).
ⵣⵖ ⴽⵓⵍⵍⵓ ⵜⵓⵜⵍⴰⵢⵉⵏ ⵜⵉⵎⴰⵣⵉⵖⵉⵏ ⵏ ⵖⵉⵍ ⴰⴷ, ⵡⴰⵍⵍⵉ ⴰⴽⴽ ⵉⵇⵓⵔⴱⵏ ⵉⵔⵡⴰⵙⵏ ⵜⴰⵎⴰⵣⵉⵖⵜ ⵜⴰⵇⴱⵓⵔⵜ ⵜⴰⵣⴰⵢⴽⵓⵜ ⵏⵏⴰ ⵙ ⵢⵓⵔⴰ ⵉⴱⵏ ⵜⵓⵏⴰⵔⵜ ⴰⴷⵍⵉⵙ ⵏⵏⵙ ⵜⴳⴰ-ⵜⵜ ⵜⴰⵛⵍⵃⵉⵢⵜ. ⵎⴰⵢⴰⴷ ⴰⵔ ⵉⵜⴱⴰⵢⴰⵏ ⵎⵣⵢⴰⵏ ⵖ ⵉⵡⴰⵍⵉⵡⵏ ⴷ ⵜⴳⵓⵔⵉⵡⵉⵏ ⵏ ⵎⵙⵎⵓⵏ ⴰⵡⴰⵍ ⴰⴷ ⴰⵛⴽⵓ ⵍⵍⴰⵏ ⴳⵉⵙⵏ ⴽⵔⴰ ⵏ ⵜⴳⵓⵔⵉⵡⵉⵏ ⵏⵏⴰ ⵓⵔ ⵏⵜⵜⴰⴼⴰⵜ ⴰⵎⵔ ⵖ ⵜⵓⵜⵍⴰⵢⵜ ⵜⴰⵛⵍⵃⵉⵜ, ⵣⵓⵏⴷ: ⴰⵖⵡⵢ, ⴰⴼⵓⵍⴽⵉⵢ, ⴰⵙⵉⴷ, ⵜⵉⴳⵎⵎⵉ, ⵉⴷⴳⴰⵎ ⴷ ⴷⴰⵔ.
ⵍⵍⴰⵏⵜ ⴷⴰⵖ ⴽⵔⴰ ⵏ ⵜⴳⵓⵔⵉⵡⵉⵏ ⵖ ⵓⴷⵍⵉⵙ ⴰⴷ ⵏⵏⴰ ⵓⵔ ⵉⵙⵓⵍⵏ ⵖ ⵜⵛⵍⵃⵉⵢⵜ ⵜⴰⵜⵔⴰⵔⵜ[ⴰⵎⴰⵡⴰⵍ 2], ⵣⵓⵏ ⴷ: ⴽⴰⵙⵔⴰ (ⵖⴰⵔ), ⵡⴰⵍⴰ (ⴱⴰⵀⵔⴰ), ⴰⵢⵙⵍⴰⴷⴷ (ⴰⴱⵍⴰ, ⴰⵎⵔ).[2]
ⴰⵎⴰⵡⴰⵍ
[edit | edit source]
ⵉⵙⴰⵖⵓⵍⵏ
[edit | edit source]- ↑ 1,0 ⴻⵜ 1,1 ( ⴼⵔ ) ⵉⵏⴰⵍⵛⵓ.ⴼⵔ - ⵉⴱⵏ ⵜⵓⵏⴰⵔⵜ
- ↑ 2,0 ⴻⵜ 2,1 ⵡⵉⴽⵉⵎⴰⵣⵉⴳⵀ.ⵛⵓⵎ - ⴰⵉⵔ ⴻⵜ ⴰⵏⵛⵉⴻⵏⵏⴻⵜⴻ ⴷⵓ ⵜⴰⵛⵀⴻⵍⵀⵉⵜ (ⵉⵎⵎⵓⵜ ⵓⵣⴷⴰⵢ). ⴰⵔⵛⵀⵉⴼⴻ.ⵓⵔⴳ.