برہم پترا

تبت دے جنوب مغرب توں نکلدے جیہڑا ستارہاں سو میل لمبا ہے۔ تبت اچ ایندا ناں تسانگ پو ہے ۔ اے دریا ست سو میل تک مشرق کوں ویندے ، ول ایہ جنوب دی طرف ݙڈھ سو میل تک بھارت دے صوبہ آسام وچ دیہانگ دے ناں نال وہندے۔ تے ول برہم پترا دے ناں نال مغرب دی طرف ویندے ۔ آسام تے بنگلہ دیش توں تھیندا ہویا دریائے گنگا وچ مل ویندے تے ڈیلٹا بݨیندا ہویا خلیج بنگال اچ ونڄ ڈھہندے۔ ایہ ہک اہم آبی شاہراہ ہے۔ ہندو اینکوں متبرک منیندن۔ ایندی وادی بڑی زرخیز ہے۔ دریا دی اوسط گہرائی 124 فیٹ، جبکہ سب توں زیادہ گہرائی 390 فیٹ ہے۔ ایندا اوسط اخراج 19300 کیوبک میٹر فی سیکنڈ (یعنی 680،000 کیوبک فیٹ فی سیکنڈ) ہے۔