لودھی دور حکومت

لودھی سلطنت، دہلی دی آخری سلطنت اے جیہڑی 1451ء توں 1526ء تک قائم رہی۔ 1412ء وچ سلطان ناصر الدین محمود شاہ تغلق‎ دے انتقال دے بعد سلطنت دہلی وچ کئی سال تک ہنگامے رہے تے سیداں دا خاندان مضبوط حکومت قائم کرݨ وچ کامیاب نہ تھی سڳا۔ لیکن 1451ء وچ لاہور تے سرہند دے پٹھاݨ صوبہدار بہلول لودھی (1451ء تا 1489ء) نے دہلی تے قبضہ کر کے ہک واری ول مضبوط حکومت قائم کر گھدی جیہڑی لودھی سلطنت سݙیجی ۔ اوں نے جونپور وی فتح کر گھدا جتھاں ہک آزاد حکومت قائم تھی گئی ہئی.

دہلی دی ایہ لودھی سلطنت اگرچہ جونپور توں ملتان تک پھیلی ہوئی ہئی، لیکن دہلی دی مرکزی حکومت دے مقابلے وچ بہت چھوٹی ہئی۔ ایں دی حیثیت سب مقامی حکومتاں دی طرح صرف ہک صوبائی حکومت دی ہئی-

سلاطین

• سلطان بہلول لودھی

بہلول خان ابن کالا خان، 1451ء تا 1489ء

• سلطان سکندر لودھی

نظام خان ابن بہلول خان، 1489ء تا 1517ء

• سلطان ابراہیم لودھی‎

ابراہیم خان ابن نظام خان، 1517ء تا 1526ء