Tiina Rinne
Tiina Rinne | |
---|---|
Persovntiäđuh | |
Šoddâm | vyesimáánu 24. peeivi 1929 |
Turku, Suomâ | |
Jáámmám | uđđâivemáánu 27. peeivi 2021 (91-ihásâžžân) Helsig, Suomâ |
Karrieer | |
Aktiivlâžžân | 1946–2018 |
Merhâšittee roolah | Kotikatu |
Palhâšumeh | |
Pro Finlandia -miitaal (1987) | |
Peerâ | |
Vaanhimeh | Jalmari Rinne Anni Aitto |
Pelikyeimi | Aimo Reitala |
Párnááh | Mikko Reitala Janne Reitala |
Lasetiäđuh | |
IMDb-sijđo | IMDb |
Tiina Rinne (24. vyesimáánu 1929 Turku, Suomâ – 27. uđđâivemáánu 2021 Helsig, Suomâ[1]) lâi syemmilâš čaittâleijee. Sun poorgâi iänááš teatterčaittâleijen, eromâšávt Suomâ Aalmugteatterist, mast sun paasij iäláttâhân ive 1994. Suu mušteh meiddei Maija Mäkimaa roolâst televisiorááiđust Kotikatu.[1]
Priivaateellim
[mute | mute käldee]Tiina Rinne kuulâi tobdos teattersuuhân. Suu vaanhimeh láin Jalmari Rinne já Anni Aitto. Suu pelikyeimi lâi ive 1961 rääjist taaiđâhistorjistee Aimo Reitala (1931–2012), já sunnust lijjii kulmâ päärni, kiäin Mikko Reitala lii kirječällee já čaittâleijee, Janne Reitala lii tuáhtár já Heta Reitala lii teattertotkee.[1] Tiina Rinne viiljah láin čaittâleijeeh Tommi Rinne já Taneli Rinne, já suu uábbipeleh láin čaittâleijeeh Katriina Rinne já Marjatta Rinne.[2] Čaittâleijeeh Joel Rinne já Einar Rinne láin Tiina Rinne čeesih, já čaittâleijee Eila Rinne lâi suu uárbimpeeli.[2] Rinne jaamij 91-ihásâžžân uđđâivemáánust 2021. Suu hävdi lii Helsigist Kulosaari hävdienâmist kállás häävdi paaldâst.
Karrieer
[mute | mute käldee]Tiina Rinne juuđij Suomâ teatterškoovlâst iivij 1947–1950. Siämmáá kuursâst suin lijjii meid Jussi Jurkka já Veikko Sinisalo, kiäh maŋeláá šoodáin čaittâleijen sehe Rauni Mollberg já Mikko Niskanen, kiäh maŋeláá šoodáin stivrejeijen.[2]
Rinne algâttij čaittâleijeekarrieeris ive 1950 Intimiteatterist. Sun čaittâlij om. Tuurku kaavpugteatterist já Helsig kaavpugteatterist. Ton lasseen sun lâi pargoost masa 20 ihheed Suomâ Aalmugteatterist. Sun čaittâlij meiddei maaŋgâin elleekuuvijn já televisiorááiđuin. Suu mušteh eromâšávt Maija Mäkimaa roolâst draamarááiđust Kotikatu. Sun lâi fáárust rááiđust ton aalgâst ain ton loopâ räi iivij 1995–2012.[1]
Palhâšumeh
[mute | mute käldee]Tiina Rinne finnij Pro Finlandia -miitaal ive 1987.[3]
Filmografia
[mute | mute käldee]Elleekoveh
[mute | mute käldee]- Kultainen kynttilänjalka (1946)
- Ruusu ja kulkuri (1948)
- Kalle-Kustaa Korkin seikkailut (1949)
- Kanavan laidalla (1949)
- Prinsessa Ruusunen (1949)
- Ratavartijan kaunis Inkeri (1950)
- Amor hoi! (1950)
- Isäpappa ja keltanokka (1950)
- Aatamin puvussa… ja vähän Eevankin (1971)
- Pieni pyhiinvaellus (2000)
Televisio
[mute | mute käldee]Käldeeh
[mute | mute käldee]- ↑ 1,0 1,1 1,2 1,3 Kotikadusta tuttu näyttelijä Tiina Rinne on kuollut Yle Uutiset. 28.1.2021. Čujottum 15.1.2022. (suomâkielân)
- ↑ 2,0 2,1 2,2 Airola, Laura: Tiina Rinteen myötä katosi pala teatterihistoriaa. Aamulehti, 29.1.2021, s. B10. Tampere: Sanoma Oyj.
- ↑ SUOMEN LEIJONAN PRO FINLANDIA -MITALIN SAAJAT AAKKOSJÄRJESTYKSESSÄ Suomen Leijonan ritarikunta. Čujottum 15.1.2022. (suomâkielân)