Veriu i Mitrovicës

Mitrovica e Veriut

Северна Митровица
Mitrovica e Veriut Северна Митровица
Qytezë dhe komunë
	Pamje e Mitrovicës Veriore; Kalaja e Zveçanit në mal në të majtë, dhe Miniera e Trepçës në të djathtë.
	Stema
	Vendndodhja e komunës së Mitrovicës Veriore në Kosovë
	Koordinatat: 42°53′N 20°52′E / 42.883°N 20.867°E
Shteti	Kosova
Rajoni	Mitrovica
Vendbanime	1
Themelimi	2013
Qeveria
• Kryetari	Erden Atiq (Lëvizja Vetëvendosje)
Sipërfaqja
• Gjithsej	11 km2 (4 sq mi)
Lartësia mbidetare	515 m (1.690 ft)
Popullsia
• Përafërsisht (2015)	29.460
• Dendësia	2.678/km2 (694/sq mi)
Zona kohore	UTC+1 (CET)
• Verës (DST)	UTC+2 (CEST)
Kodi postar	40000
Prefiksi	+383 28
Targa e automjeteve	02
Faqja zyrtare	kk.rks-gov.net/mitroviceeveriut

Veriu i Mitrovicës ose Mitrovica e Veriut (Serbisht: Северна Митровица, Severna Mitrovica) është një qytezë dhe komunë që gjendet në rajonin e Mitrovicës në Kosovë. Që nga viti 2015, ajo ka një popullsi prej 29,460 banorë. Përfshin një sipërfaqe prej 11 km².

Veriu i Mitrovicës është pjesë e Veriut të Kosovës, një rajon me shumicë etnike serbe që funksionon kryesisht në mënyrë autonome nga pjesa tjetër e Kosovës me shumicë etnike shqiptare. Komuna është themeluar në vitin 2013 pas krizës në Veri të Kosovës,^[2]^[3] më parë ishte vendbanim i qytetit të Mitrovicës, i ndarë nga lumi Ibër.

Pas Marrëveshjes së Brukselit të vitit 2013, komuna është planifikuar të jetë qendër administrative e Asociacionit të Komunave Serbe.^[4]

Emri

Pjesa veriore e Mitrovicës (dikur "Mitrovica e Kosovës") zakonisht quhej "Mitrovica e Veriut të Kosovës" (serbisht: Северна Косовска Митровица/Severna Kosovska Mitrovica), megjithatë, deri vonë, pjesa veriore përmendet si thjeshtë Mitrovica e Veriut (serbisht: Северна Митровица/Severna Mitrovica).

Historiku

Qyteti ishte zyrtarisht pjesë e Mitrovicës, deri në ndarjen e saj zyrtare në vitin 2013. Ndarja erdhi si rezultat i krizës së veriut të Kosovës, pas shpalljes së pavarësisë së Kosovës nga Serbia në shkurt 2008. Komuna u njoh nga Qeveria e Kosovës në vitin 2013 para zgjedhjeve lokale në Kosovë.

Qyteti shërbeu si kryeqytet de facto i rajonit të Veriut të Kosovës, i cili refuzoi të punonte me institucionet e Republikës së Kosovës. Prandaj, serbët vendas formuan Kuvendin e Asociacionit të Komunave Serbe, të mbështetur vetëm nga Serbia.

Megjithatë, me nënshkrimin e Marrëveshjes së Brukselit të vitit 2013 pas krizës në Veri të Kosovës, ndërmjet qeverive të Kosovës dhe Serbisë, Serbia e hoqi zyrtarisht mbështetjen e saj për kuvendin, duke rënë dakord për të krijuar një asociacion të komunave me shumicë serbe në Kosovë.

Kuvendi i tij nuk do të ketë autoritet legjislativ dhe autoritetet gjyqësore do të integrohen dhe do të funksionojë brenda kornizës ligjore të Kosovës.

Administrimi

Kuvendi Komunal i Mitrovicës së Veriut ka 19 deputetë, njëri prej të cilëve kryetar. Aktualisht janë 17 këshilltarë aktivë.

Demografia

Sipas vlerësimeve të vitit 2011 të Qeverisë së Kosovës, Mitrovica e Veriut ka 3.393 ekonomi familjare dhe 12.326 banorë.

Në vitin 2015, sipas një raporti të OSBE-së, popullsia e Komunës së Mitrovicës së Veriut është 29.460 banorë.

Grupet Etnike

Shumica e komunës së Mitrovicës së Veriut përbëhet nga serbët e Kosovës me më shumë se 22,530 banorë (76.4%). Gjithashtu, në komunë jetojnë 4900 (16.6%) shqiptarë të Kosovës dhe 2000 të tjerë.

Përbërja etnike e komunës së Mitrovicës së Veriut, duke përfshirë PZHBV-të:

Grupi Etnik	Parashikimi i 2015
Serbë	22.530
Shqiptarë	4.900
Boshnjakë	1.000
Goranë	580
Turq	210
Romë	200
Ashkali	40
Të Tjerë	-
Gjithsej	29.460

Kultura dhe Arsimi

Mitrovica e Veriut aktualisht përfaqëson qendrat më të rëndësishme politike, kulturore, arsimore dhe shëndetësore për serbët në Kosovë. Është zona më e madhe urbane në Kosovë ku serbët përbëjnë shumicën etnike. Universiteti i Prishtinës ndodhet në këtë zonë, i cili është zhvendosur nga Prishtina në Mitrovicë gjatë Luftës së Kosovës. Në vitin 2013, pas zgjedhjeve të nëntorit në Kosovë, Mitrovica e Veriut zyrtarisht u bë komunë e veçantë.

Sporti

FK Trepça Veri dhe Rudar Mitrovica janë klube futbolli që gjenden në këtë pjesë të qytetit. Aktualisht FK Trepça luan në Ligën Serbe të nivelit të katërt Zone Morava ndërsa FK Rudar Mitrovica luan në Ligën e Parë të Futbollit të nivelit të pestë të Veriut të Kosovës.